Un comunicado do Sergas informou que as ausencias e vacacións durante os meses de verán serán cubertas mediante prolongacións de xornada do persoal dos centros e ou a través de intersubstitucións, o que implica que o resto de profesionais asuma provisionalmente a cota de consultas do persoal ausente. Esta medida afecta polo de agora á EOXI de Pontevedra e o Salnés.
Se en tres meses o Sergas non aplicou as medidas vinculantes acordadas nas comisións sectoriais para “mellorar a Atención Primaria”, volverán as mobilizacións. Así o advertiron na mañá desta sexta feira a CIG e a plataforma SOS Sanidade Pública, para as que en outubro o traballo dos citados organismos deberá xa dar froitos.
O Parlamento de Galiza rexeitou cos votos das e dos deputados do Partido Popular unha moción presentada por En Marea que incluía unha batería de 35 medidas destinadas a reformular o plan de atención primaria da Xunta de Galiza.
“Indignación” é a palabra escollida pola CIG para amosar o seu rexeitamento ao “intento da Xerencia da área sanitaria por normalizar o peche abusivo de camas” durante o verán. A dirección do Sergas alega “descenso de actividade asistencial, falta de persoal para substitucións e obras de mantemento”. Para o sindicato, trátase dun “argumentario absurdo e inexacto”.
CIG-Saúde gañou as eleccións no Sergas que se realizaron o pasado día 23, ampliando a súa representación de 57 a 66 delegadas e consolidándose como primeira forza. Entre os obxectivos que se marca para estes anos, enfrontar a precariedade na sanidade pública. “A Xunta ten que xestionar a sanidade atendendo ás necesidades e non con titulares de prensa”, pide María Xosé Abuín, a súa secretaria nacional.
![[Imaxe: Galiza Contrainfo] Manifestación da sanidade en Compostela](/asset/zoomcrop,480,270,center,center/media/nosdiario/images/2019/02/10/2019021013362754559.jpg)
A conflitividade na sanidade pública galega non enfría. Mentres o persoal dos PAC, en folga indefinida desde xaneiro, convocou para esta segunda feira unha vixilia contra os recortes, traballadoras e traballadores eventuais chaman a unha marcha de protesta a terza, 21 de maio.
Considera que hai que facilitar a participación deste colectivo na xestión da sanidade pública.
A Asemblea de Médicos de Atención Primaria anunciaba a pasada terza feira que procuraría as súas propias solucións á situación de colapso que atravesa o servizo, entre elas limitar o número de consultas ou a suspensión da docencia nos centros máis sobrecargados. Sanidade non acepta “que reduzan as súas funcións de maneira unilateral”.
O 10 de abril comezará unha nova batalla no Servizo Galego de Saúde. As traballadoras de limpeza dos hsopitais están chamadas por CIG e Comisións Obreiras á folga indefinida en defensa dos seus salarios. En concreto, en defensa dos acordos de equiparación salarial asinados en 2008, 2009 e 2018.
A Coordinadora Galega de Atención Primaria rexistrou esta sexta feira a convocatoria de greve neste servizo para os días 9, 10 e 11. Un dos voceiros da Coordinadora, Xosé Dios, médico en Outes, indica que a “situación insorportábel” na que está instala Atención Primaria levou a convocar este paro.
Por volta de dúas mil persoas manifestáronse en Burela convocados pola Plataforma na Defensa da Sanidade Pública. Vídeo no interior
Malia que a Coordinadora Galega de Atención Primaria mantén a convocatoria de folga para os vindeiros 9, 10 e 11 de abril, o presidente da Xunta asegura “non ter constancia” de que exista “un conflito”. Afirmouno esta quinta feira á saída do Consello de Goberno.
Aprazan até 2020 peticións facultativas de probas que non deberían demorarse máis de 3 meses. A Xerencia nega a veracidade desas denuncias.
Piden á Consellaría de Sanidade “menos plans difusos” e maior compromiso organizativo e orzamental para reverter o deterioro e pauperización deste e outros servizos da sanidade pública.
Citas a máis dun ano vista e carencia dunha consulta específica para o tratamento desta doenza crónica deterioran a atención a estas pacientes no Complexo hospitalario de Compostela.
Os efectos da política de recortes en sanidade que deteriora e precariza áreas como Atención Primaria, Pediatría, Urxencias ou Psiquiatría non afecta aos servizos relixiosos nos hospitais públicos e concertados de Galiza. A partida para capeláns aumenta ano tras ano: 54.000 euros mensuais en 2019 para pagar salarios e cotizacións aos capeláns que prestan asistencia relixiosa en centros sanitarios públicos.
Así o acordou a Coordinadora Galega de Atención Primaria a petición de asembleas de persoas de áreas sanitarias, que solicita abrir un diálogo coa administración para atopar solucións á situación deste servizo.
As traballadoras do servizo de Urxencias do Hospital de Compostela entran na súa décimo terceira semana consecutiva de folga. Fano un día antes de votar a última proposta formulada pola xerencia do centro. Se a rexietan, prometen unha “intensificación” das protestas.
