Santiago de Compostela

O triunfo branquiazul ante o Celta B e o empate do Compos fronte o Zamora deixan abertas todas as posibilidades na Segunda B de cara á última xornada, que será en horario unificado o 28 de marzo a falta de que o Rácing de Ferrol dispute os seus partidos adiados pola Covid-19. Pola súa banda, Lugo e Celta sumaron senllos empates que os achegan ao obxectivo da salvación.

A vindeira terza feira bota a andar en Compostela o encontro "Literatura nas marxes" para debater, durante tres xornadas consecutivas, arredor da muller e a maternidade, o colectivo LGBTIQ+ ou a figura da autora homenaxeada nas Letras Galegas 2021, Xela Arias, entre outros temas.

Chega aos quiosques a derradeira entrega do coleccionábel "Tímpanos medievais da Galiza", de Nós Diario. Esta entrega, o número 32 da colección, dedicada a Compostela e á súa arquitectura románica.

A Adoración dos Reis é un dos temas máis habituais na escultura medieval, abundando en relevos de frontais, tímpanos, capiteis, sartegos etc. Na catedral compostelá, aparece nun dos tímpanos de Praterías e, máis tarde, cara ao ano 1200, o modelo iconográfico consolídase grazas ao tímpano que presidía a fachada do coro pétreo do Mestre Mateo. A partir desta peza, os talleres de influencia mateana estenderon, durante o que quedaba de Idade Media, unha tipoloxía que conta, en Compostela, con exemplos ben destacados.

Coa presenza do alcalde e do presidente da Fundación Rosalía.

A ANPA presentará, no seu nome, queixas ante as inspeccións de Educación e Sanidade, pois existe unha preocupación. A docente non volverá a impartir clases até que entregue unha proba PCR con resultado negativo, mais a dirección da escola vincula a participación da traballadora na manifestación do sábado á súa "liberdade de opinión".

A manifestación percorreu o tramo que separa a estación de tren da praza do Obradoiro, coincidindo cunha concentración antifascista baixo o lema “a saúde pública é un dereito: extrema dereita fóra da Galiza”

O misterio, ese algo máis alá do material que suxire tamén moitas veces o engano visual, é o pretexto que vencella os traballos de Lois Patiño (Vigo, 1983) e Jorge Periannes (Ourense, 1974), xuntos en 'Dobre Quadratura'. A mostra xa pode volver visitarse na Casa do Cabildo, en Compostela, espazo central nas pezas. 

Asociamos Rosalía de Castro con Padrón, coa Casa da Matanza, con esa ventá aberta ao mar dos seus últimos momentos. Mais o certo é que foi en Santiago onde viviu a metade da súa vida, nos tempos bos e nos tempos malos. Agora edítase un libro que nos guía polos moitos espazos de Compostela asociados á súa biografía.

Houbo que agardar até a xornada 14 para que ningún dos seis equipos galegos da Segunda División B coñecese a derrota. O Dépor superou o Guixuelo (1-0), o Celta B o Zamora (0-3) e o Pontevedra o Salamanca (1-3), mentres que o Coruxo apañou un meritorio punto ante o líder Unionistas (0-0) e Compos e Rácing empataron a un gol.

Unha caravana formada por unhas 250 furgonetas de feirantes de toda Galiza colapsou varias rúas de Santiago esta sexta feira para reclamar medidas de apoio ao sector ante a crise da Covid e as limitacións para o desempeño do seu traballo. 

"O teatro é unha maneira moi boa de visitar un lugar inesperado ao que nunca irías", di Xesús Ron, director da compañía Chévere. O lugar onde nos quere levar esta vez é Vite, un barrio popular de Compostela, que a organización e a mobilización veciñais lograron rescatar da súa condición de gueto ao berro de "Vite nazón!"

A derrota ante Zaragoza frea o seu renovado pulo 

O alumnado deste centro, que tamén imparte ciclos de Formación Profesional, ten prohibido xantar no interior da infraestrutura. Tampouco poden permanecer dentro entre as clases da tarde e as da mañá a pesar do inverno e da súa imposibilidade de trasladarse á casa por ser de municipios afastados de Compostela. Exixen á Xunta que aporte algunha medida para evitar que se vexan á intemperie varias horas.

Mobilización en Compostela para denunciar o "abuso" nas contratacións temporais da Administración.

Convocan unha caravana para denunciar o "abuso" da Administración nas contratacións temporais.