Santiago de Compostela

Resulta complicado, despois de falar coa chef Lucía Freitas (Compostela, 1982), resistirse ao contaxio –que símil tan mal traído nestes tempos– dese mal endémico que padecen tantos xornalistas gastronómicos representado pola mendicidade de convites para xantar nos restaurantes das persoas entrevistadas. Mais, cando a protagonista ten o nivel de Lucía Freitas e dirixe un restaurante como A Tafona (Compostela), distinguido coa estrela Michelín, un pode até comprender a eses arteiros plumiñas, que tanto teñen que estar sufrindo polo feche total da hostalaría na actualidade.

Cando na primavera de 1979 chegou ás librarías do noso país Tempo de Compostela non sabiamos que admirar máis, se o coidado e a fermosura da edición do libro ou a emoción e a beleza dos propios poemas. 

Dentro da enorme variedade de subxéneros nos que se desenvolveu a novela negra das últimas décadas, houbo lugar tamén para o espazo académico. 

M anual de uso, a exposición de La Ribot (Madrid, 1962) que presenta o CGAC, desenvolve un percorrido polos traballos da artista dos últimos 20 anos. 

O mesmo que acontece co Día das Letras Galegas, outra das vítimas da situación provocada polo coronavirus é a celebración do Día das Artes Galegas, que tiña que ter os seus actos centrais o pasado 1 de abril en lembranza da mesma xornada do ano 1188, data inserida na epígrafe do lintel do Pórtico da Gloria, que certifica que aquela obra foi dirixida polo Mestre Mateo. 

A exposición Mirar o son ofrece un achegamento ás novas formas de notación musical que xorden arredor a mediados do século XX e que chegan até a actualidade. 

Máis que unha antolóxica Caosmos, a mostra dedicada polo Centro Galego de Arte Contemporánea ao pintor Antón Patiño (Monforte, 1957) semella a plasmación dun elaborado diálogo entre o artista e o comisario Alberto Ruiz de Samaniego, que acaba por crear unha tonalidade que paira polas distintas salas do museo e que ofrece unha imaxe global da traxectoria artística e intelectual do pintor.

O CGAC presenta unha mostra individual de Francesc Torres (Barcelona, 1948), un creador amplamente recoñecido como un dos referentes históricos da instalación multimedia, membro da primeira xeración de instaladores xurdida no contexto artístico norteamericano na primeira metade dos anos setenta.
 

A obra de Christian Villamide (Lugo, 1966) chama a atención pola linguaxe plástica e visual multidisciplinar, mais sempre estas formas están rexidas na súa concreción por unha vontade e unha análise conceptual. 

Na mostra Galicia, un relato no mundo, que se pode visitar na Cidade da Cultura, sobrancea a presenza dun manuscrito excepcional que é, para alén do seu valor artístico, o máis relevante testemuño da vitalidade das comunidades xudías na Galiza medieval, poboacións espalladas por todo o territorio galego, vivindo illadas ou formando núcleos organizados. 

Permítanme que titule con esta onomatopea festeira para celebrar algo máis de coñecemento sobre a nosa vieira simbólica.

Odispositivo de chegada ao conxunto de Bonaval, coa construción do Centro Galego de Arte Contemporánea como remate do novo parque, é unha das aproximacións espacialmente máis complexas e ricas da nosa arquitectura.

Os distintos grupos municipais con presenza na corporación rexeitan participar porque a Real Academia Galega (RAG) organiza un acto que decorrerá en Compostela e non en Ferrol, cidade natal do autor.

O golpe de Estado de 1936 supuxo para Compostela o mesmo que para moitos outros lugares onde os militares e as forzas que colaboraron con eles conseguiron impoñerse sobre os defensores da República. Dende finais de xullo fóronse pondo en práctica os diferentes repertorios de violencia que serían empregados para castigar a unha parte da sociedade pola súa lealdade ao réxime republicano. Santiago non foi unha excepción, pois os seus veciños tamén se viron involucrados nos procesos: como vítimas, pero tamén como verdugos. 

A pesar de estar en novembro, o Celta xoga contra o Granada unha final, que de gañala daría aire a un equipo que ocupa o último posto na táboa. Situación ben oposta viven os equipos galegos implicados no duplo derbi (Compostela-Pontevedra e Rácing-Dépor) da xornada na Segunda B, que queren gañar para seguir medrando. 

Chacho Coudet aspira a facer bo o vello dito de "a adestrador novo, vitoria segura" e conseguir no seu debut como técnico celeste tres puntos que afasten a pantasma dos postos de descenso. Ademais, na Segunda División B o prato estrela da xornada será o derbi entre Rácing de Ferrol e Compostela.

Unha concentración en Compostela, convocada pola Delegación Saharauí na Galiza e por Solidariedade Galega co Pobo Saharauí, serviu hoxe para amosar o apoio da sociedade galega a este pobo contra os últimos ataques do exército marroquí no Sáhara Occidental, que están a recruar un conflito que dura case 30 anos. 

Os contos mudaron e o modo de contalos, tamén. É o que está a demostrar o Festival Atlántica, que este ano tivo que desenvolver en liña parte da súa programación. Revisións de vellas historias da tradición europea, contos tradicionais galegos, poemas de transmisión oral ou relatos feitos con mímica son algunhas das propostas que está a achegar este encontro internacional de narración que xuntou xa a Charo Pita, Rubén Martínez ou José Luis Gutiérrez, e que acollerá aínda outras actuacións da primeira ou da directora do festival, Soledad Felloza.

O renacido Lugo de Mehdi Nafti pon a proba a súa imbatibilidade ante o mellor equipo da Segunda División, mentres que na categoría de bronce o Compostela abre a xornada mañá ante o Guijuelo, quedando o derbi galego entre Dépor e Coruxo, así como os partidos de Pontevedra, Celta B e Rácing de Ferrol para mañá domingo.  

A comisión de Patrimonio permitirá que os estabelecementos hostaleiros instalen pantallas e calefactores na cidade vella para paliar as perdas derivadas das restricións pola pandemia.