saúde

Malia que o número de persoas dispostas a facer a doazón se mantén, as autoridades sanitarias advirten de que se detectou un incremento das negativas das familias das persoas falecidas a permitir estas cirurxías. Nas listades de agarda da Galiza hai arredor de 200 persoas.

A pandemia da Covid-19 agravou as eivas que os colectivos profesionais da Atención Primaria xa viñan denunciando antes da chegada do coronavirus. Reclamaban tempo, recursos e dignidade para atender as súas pacientes correctamente, unhas demandas que manteñen en plena crise sanitaria. O persoal do primeiro nivel asistencial exixe cambios. Unha reforma global baseada nas conclusións do Consello Técnico, paralizadas pola Xunta. Piden recuperar autonomía e dotar os centros de saúde de equipos suficientes e multidisciplinares para unha atención integral das doentes. 

 

O colectivo de pacientes galegos referenda o temor expresado pola OMS e expresan a súa preocupación polo esquecemento dos doentes crónicos ou con enfemidades curábeis que ante a falta de atención sanitaria ven empeorar a súa calidade de vida. A Covid fixo aumentar os tempos de espera no primeiro semestre do ano e ampliou o desleixo na atención a pacientes sen coronavirus, o que suporá un aumento da mortalidade, afirman.

O Parlamento galego acaba de autorizar a tramitación mediante vía de urxencia dunha proposición de lei, a iniciativa do PP, para modificar a lei galega de saúde, que prevé regular as medidas de prevención, limitacións e sancións vinculadas á pandemia do coronavirus. 

As traballadoras e traballadores advirten de que o “déficit de persoal histórico” que padece o CHUAC se ve agravado na situación actual, cando os procedementos “deben ser escrupulosos e rigorosos”.

A Consellaría de Sanidade informou na mañá da sexta feira das novas medidas de restricións, que supoñen novos fechamentos perimetrais, prohibición da mobilidade nos ámbitos urbanos e limitación das reunións a persoas só conviventes nas nas zonas máis afectadas. A Xunta pretende que que estas dúas medidas entren en vigor esta sexta feira ás 15 horas.

A CIG-Saúde nega que o surto de Covid-19 detectado no centro de saúde de Vimianzo, cun total de 11 positivos confirmados no cadro de persoal, segundo cifras dos sindicatos, se daba á “falta de precaución” das súas traballadoras e traballadores.

No último mes e medio, a Consellaría de Sanidade fixo numerosos chamamentos para que a poboación diana se vacinase da gripe. Porén, a falta de previsión provocou que a día de hoxe escaseen as doses nos ambulatorios galegos. É o caso do centro de saúde Concepción Areal de Compostela, onde xa non fica a tipoloxía que se lles inxecta ás persoas maiores de 65 anos.

O 13 de outubro arrancará na Galiza a campaña de vacinación contra a gripe deste ano, que contará con 200.830 doses máis que o pasado exercicio, até chegar ás 865.830, o que supón un aumento de máis de 30%. 

Os sistemas sanitarios cunha Atención Primaria forte alcanzan mellores resultados a un menor custo. O coronavirus puxo de manifesto a necesidade de contar con sistemas asistenciais de saúde eficientes e coordinados. A chave está na Atención Primaria, marxinada na Galiza xa antes da a pandemia.

A Consellería de Sanidade explicou esta cuarta feira, na súa habitual actualización diaria, que a maioría das e dos doentes están localizados na área sanitaria da Coruña e Cee, máis elévanse moito as cifras nas de Lugo e Compostela. Xa hai 648 mortes vinculadas ao coronavirus desde que comezou a pandemia. Casi 300 das vítimas vivían en residencias.

A central sindical da comarca da Coruña asegura que os desprazamentos aos centros educativos para facer probas ao personal dificultan a atención nos centros de saúde. Ademais, entenden que son test de "baixa fiabilidade"