teatro

Sermos Galiza publica un caderno monográfico arredor da situación que atravesan as artes escénicas. Non corren bos tempos para o teatro mais as táboas resisten. Podes mercalo xa na nosa loxa. 

A Plataforma galega en defensa do ensino público convocou para esta cuarta feira 13 de novembro actos en oito localidades para rexeitar unha norma que "empeorou" após encetar a súa tramitación parlamentaria incluíndo a cesión de balde de solo para a construción de centros privados concertados.

Ao berro de "demisión" e "fóra" o ministro de Educación español foi recibido no acto de homenaxe á 'mezzosoprano' Teresa Berganza. Wert non recúa na aprobación da LOMCE malia a oposición popular. Vídeo no interior

Cesáreo Sánchez foi elixido pola Asociación de Actores e Actrices Galegos (AAAG) para asinar o Manifesto Galego do día do Teatro no marco da XVII edición dos Premios María Casares, que se entregaron esta cuarta feira no 27 de marzo no Teatro Rosalía da Coruña. O poeta orixinario do Irixo, tamén presidente da Asociación de Escritores e Escritoras en Lingua Galega, falou con Sermos Galiza do futuro das artes escénicas galegas.

'Viaxe a ningunha parte', de Sarabela, con dez candidaturas; e 'Tokio3', de Voadora, con nove, son as montaxes con maior número de nomeados nos galardóns organizados pola Asociación de Actores e Actrices de Galiza

O Cadro Artístico Airiños de Asados (Rianxo) rexeitou recoller o Premio da Cultura e varias compoñentes estiveron na protesta da Plataforma Galega das Artes Escénicas e Musicais. Vídeo no interior.

A Asociación Internacional de Estudos Galegos vén de facer pública a súa decisión de non recoller o Premio da Cultura Galega 2012 na modalidade de promoción cultural no acto que se celebrará mañá xoves na Cidade da Cultura. A entidade tomou a decisión en apoio ás traballadores e traballadoras das artes escénicas e musicais.

Pasaban as nove da noite cando un amplo despregamento policial desaloxaba os membros da Plataforma das Artes Escénicas das oficinas da Agadic. Tiñan previsto pasar a noite no Gaiás, en sinal de protesta pola situación do sector.

Cando se cumpre o 25 aniversario do seu nacemento e a poucos días de teren inaugurado o seu museo na Baixa da cidade, o “Teatro das marionetas do Porto” chega a Lalín para participar no “Titerentroido" que terá lugar dos días 9 a 12 de febreiro.

Preside a Asociación de Actores e Actrices de Galiza e forma parte da compañía Talía que este sábado representaba O método Grönholm xusto antes de que no mesmo Salón Teatro case un cento de profesionais se pecharan para reclamar o fin da parálise da Consellaría de Cultura. Esixen que se active a Rede de Teatros e Auditorios e a AGADIC.

O Colectivo Cultural Ollomao enche o pavillón do Colexio de San Miguel de Reinante (A Mariña) coa representación d'Os vellos non deben de namorarse.

Tal día como hoxe hai un mes almorzabamos coa nova de máis tres detencións en Narón vinculadas ao independentismo: Silvia Casal, Júlio Saians e a súa crianza, un neno de 8 meses aínda lactante. Recuperamos esta entrevista publicada no noso semanario nº23, unha conversa que mantivemos con Silvia horas despois de que ficase en liberdade e sen cargos após ser condenada xa pola prensa

Os galardóns máis destacados da cultura galega recaen esta edición en Salvador García Bodaño, Manuel Quintana Martelo, o grupo de teatro Airiños de Rianxo, a Fundación Eduardo Pondal, a Asociación Internacional Estudos Galegos, Manuel Rodeiro e Miguel Anxo Fernández.