teatro

O formato non é usual. O maratón-retrospectiva da compañía Voadora en Vigo é unha fórmula singular que ofrece a oportunidade de achegarse á traxectoria artística da compañía con máis nomeacións aos Premios María Casares. Se perdiches algún espectáculo de Voadora, este é o momento. 

Alá no fondo hai sitio abondo. O circo atómico das irmáns Faynman, de Chévere e dirixida por Xesús Ron para público infantil volverá a escena no XVI Salón do Libro Infantil e Xuvenil de Pontevedra. 

“Dura Lex” é un alegato contra os recortes nos dereitos civís e políticos. A representación da obra de Volta e Dálle hoxe quinta feira en Pontevedra irá seguida dun coloquio no que participarán o xuíz Xermán Varela e o avogado de Esculca, Guillerme Presa. 

Antonio Durán “Morris” e Pedro Alonso están xa a ensaiar “O Crédito”, a obra de Jordi Galcerán que chega ao galego despois de máis de doce meses en cartel en Barcelona e Madrid. 

A compañía Chévere recollerá o Premio Nacional de Teatro, concedido polo Ministerio de Cultura. Afirman que non supón ser “compracente co poder”. 

O galardón concedido polo Ministerio de Educación español premia a "coherente traxectoria" da compañía. 

Celso Parada recibe o Premio ao mellor actor no Festival de Teatro Galego do Carballiño (Fetega) no ano no que conmemora o 25 aniversario da súa compañía Teatro do Morcego. A actriz Rosa Álvarez e o espectáculo Bye, bye honey da compañía Obras Públicas foron tamén recoñecidas. 

Feminista e de humor. Así son “As fillas bravas”, a nova proposta de Chévere que se estrea na Mostra Internacional de Cangas dentro do programa Mulleres en Acción. 

O literatura sube a escena para se atopar co teatro na entrega dos premios anuais da Asociación de Escritores en Lingua Galega. Desde todos os ámbitos, as artes escenas foron as protagonistas dunha cerimonia de entrega que se desenvolveu en Pontevedra e confirmou os libros A lúa da colleita de Anxos Sumai e Raíz de fenda, de Berta Dávila como os máis premiados en narrativa e poesía do ano. 

Compañías de Portugal, Galiza ou Brasil danse cita na segunda edición de “Ponte... na escena” que se desenvolverá en Gondomar co obxectivo de ser un encontro fixo do teatro cos distintos sotaques da lusofonía. 

En tempos de urxencia social, o teatro “tería que ser obrigatorio”. Así o defenderá o manifesto galego que hoxe, quinta feira, Día Mundial do Teatro, lerá o crítico e escritor Camilo Franco no acto de entrega dos Premios María Casares. 

Con asesoramento legal, a compañía Volta e Dálle está a preparar “Dura Lex”, un monólogo que entra no corpo da xustiza para levar ao teatro de maneira corrosiva o actual recorte de dereitos e liberdades. Pepe Penabade sobre o escenario, Carlos Santiago como autor e director e Comba Campoy na dirección, produción e comunicación danlle vida a un espectáculo que recorre ao mecenado social. 

As actrices Isabel Risco e Marían Bañobre convertiranse en “furancheiras” para conducir a gala de entrega dos XVIII Premios María Casares de Teatro que terá lugar no Rosalía de Castro da Coruña esta quinta feira 27 de marzo. Unha aposta chea de “agroglamour” dirixida por Santiago Cortegoso. 

As actrices Pilar Muñíz e Lara Rozados dan vida a unha femia e un macho de hámster, o inconformismo e o conformismo, dúas partes de nós que tod@s temos en contradición

Porque o teatro precisa a difusión para existir, a Asociación de Actores e Actrices de Galicia (AAAG) escolleu ao xornalista Camilo Franco para ler o Manifesto Galego do Día Mundial do Teatro na gala dos XVIII Premios María Casares que terá lugar o próximo xoves 27 de marzo. 

“O que hai que facer para non ir ao mar. Unha viaxe a través do teatro galego”, é un documental que recorre a historia da escena galega na segunda metade do século XX mais tamén é a historia de amor de Iago -director- e Uxía -protagonista- polos seus pais, o actor Tuto Vázquez e a actriz María José Mosteiro. 

O día da súa morte en xuño, a páxina da Asociación de Actores e Actrices mudou para un grande lazo negro. Agora, na primeira gala de entrega dos Premios María Casares que se celebra desde o seu falecemento,  a profesión réndelle tributo concedéndolle a Xosé Manuel Olveira, Pico, o Premio de Honra Marisa Soto. 

Será protagonista privilexiado nas actividades deste ano. A Asociación de Escritores e Escritoras en Lingua Galega acordou na súa asemblea xeral homenaxear ao teatro galego cos seus premios, en recoñecemento ao esforzo dos seus protagonistas en tempos tan difíciles para o sector. Xabier P. DoCampo será homenaxeado coa letra E.