As institucións comezaron a tomar distancia co Goberno galego, presuntamente, por “discrepancias” na presentación da oferta turística da Galiza. O Executivo do país denuncia unha suposta “estratexia de confrontación” iniciada desde a Deputación de Pontevedra.
O Goberno local de Vigo vén de aprobar unha norma que obrigará as persoas usuarias de patinete eléctrico a levaren casco e portaren roupa reflectante. A norma estipula que quedará prohibido usar estes vehículos en grandes estradas da cidade, así como as de carácter interurbano. Tamén estará limitado o emprego en zonas peonís, a excepción da área de Bouzas e o Casco Vello. Nestes lugares a velocidade máxima será de 10 km por hora e mantendo unha distancia de 1,5 metros coa que vaia a pé.
As sancións, que poden chegar aos 500 euros en función da gravidade das infraccións, tamén poderán penalizar a falta de casco. Tamén se requirirá seguro de responsabilidade civil e certificado de circulación ou ter unha idade mínima de 15 anos.
A Delegación do Goberno do Estado en Pontevedra confirmou que o aeroporto de Peinador en Vigo permanecerá fechado, cando menos até a segunda feira.
A Xunta rematará e enviara ao Goberno español un plan de acción para actuacións loxísticas nos primeiros meses de 2022. As novas conexións entre ambas cidades deberían finalizarse para 2040.
