Xerais recupera 'Antón e os inocentes', novela que Ferrín escribiu na cadea
Méndez Ferrín escribiu Antón e os inocentes, a súa terceira novela, “no lugar sórdido no que 'toda incomodidad tiene su asiento”. Así o di, con ecos quixotescos, a dedicatoria inicial. Ese lugar sórdido é El Dueso, onde o autor foi recluído entre 1969 e 1971. Historia de iniciación que sucede nos ambientes proletarios do Vigo dos 50, publicouse por primeira vez en 1976. Fóra de catálogo desde hai anos, Xerais recuperaa en edición do poeta e filólogo Antón Blanco.
A segunda vida de 'Estirpe'
Era 1994 e Europa entraba en fase histórica descoñecida. O esboroamento do bloque do leste modificábao todo. O poeta, en todo caso, decide contradicir o curso dos acontecementos e homenaxea Fidel Castro. Escribe unha pregaria polos labregos desposuídos de terra e casa -si, en 1994-. Lembra mods e rockers na súa mocidade. O poeta chámase Xosé Luís Méndez Ferrín e o libro, Estirpe. O Concello de Redondela reedítao 25 anos despois.
O mundo literario de Méndez Ferrín viaxa ao circo
Arnoia, Arnoia é unha novela de aventuras, épica como corresponde ao seu autor, Xosé Luís Méndez Ferrín. A compañía Pistacatro e o Centro Dramático Galego, con dirección de Quico Cadaval, lévana ao circo. Sermos Galiza asistiu a un dos últimos ensaios antes da estrea. Eis un extracto da reportaxe publicada ao respecto no número 317 de Sermos Galiza.
O circo aprópiase de 'Arnoia, Arnoia'
Ese relato de iniciación á vida adulta, épico e alegórico como adoita o seu autor, que se titula Arnoia, Arnoia (1985) será circo. O Centro Dramático Galego, en coprodución coa compañía Pistacatro e baixo a dirección de Quico Cadaval, estrea esta quinta feira 11 de outubro a adaptación da obra de Xosé Luís Méndez Ferrín, subtitulada O circo da casa pequena.
Entrevista con Méndez Ferrín: “A loita segue merecendo a pena”
Nas últimas semanas sucedéronse os actos de homenaxe a un dos grandes da literatura galega, Xosé Luís Méndez Ferrín (Ourense, 1938), polo seu 80 aniversario. Os actos continuarán este outono. Precisamente, o Ateneo Atlántico organiza o 18 de outubro en Vigo a palestra “Ferrín e o compromiso político”. Tiramos dese fío para conversar, de vagar, sobre a súa traxectoria política e demóstranos que ten unha memoria envexábel. Eis un extracto da entrevista, publicada no número 316 de Sermos Galiza.
Poliedro Ferrín
Non hai un só Ferrín. Está o autor de libros centrais en todos os xéneros como Con pólvora e magnolias (1976), Arraianos (1992) ou Bretaña, Esmeraldina (1987). Está o escritor de intervención na prensa. Está o militante da esquerda nacionalista dende a refundación despois da Guerra Civil. Todas as faces do poliedro serán analizadas nas xornadas Os mundos de Ferrín do Ateneo de Vigo.
A orixe da denominación 'Día da Patria Galega' contada por Bautista Álvarez
O 25 de xullo de 1968 a UPG convoca unha manifestación en Compostela e faino por vez primeira baixo a denominación actual, Día da Patria Galega. Nun fragmento dun documentario realizado en 2004, o histórico dirixente Bautista Álvarez (1933-2017) explica como se chegou a ese rótulo para designar a mobilización por excelencia do nacionalismo galego.
Ferrín di que o TOP franquista o xulgou a el con máis garantías que o aparato da Marea a Quinteiro
O debate na Marea -interno e externo- está a piques de chegar a un ponto de non retorno. Esta segunda feira, Xosé Luís Méndez Ferrín, un dos referentes históricos da FPG, na súa colaboración semanal no Faro de Vigo, cruza algunhas liñas vermellas ao chamar "dereita galeguista" ao grupo de Luís Villares -hexemónico na dirección da confluencia- e ao comparala coa escisión do Partido Galeguista que non quixo engrosar a Frente Popular en 1936.
"A efectos da fala, Feijóo é Feixóo"
Víctor Freixanes (Pontevedra, 1951) é un conversador torrencial e manexa con destreza todos os rexistros. Domina a frase curta, mais tamén a sintaxe máis alambicada. É sempre un escritor, até cando fala. É tamén unha personalidade poliédrica, non reductíbel a un arquetipo. Novelista, ensaísta, xornalista, editor, presidente da Real Academia Galega. Nesta entrevista falamos sobre a iniciativa da RAG a favor da restitución dos apelidos á súa forma orixinaria, galega, mais tamén acerca do estado en que se acha o galego ou a propia institución que el preside, coa inevitábel figura de Ferrín a se recortar no horizonte. "Son partidario das políticas de inmersión lingüística", afirma.
Os mundos arraianos de Ferrín
Non resulta estraño albiscar a figura de Xosé Luís Méndez Ferrín (Ourense, 1938) por territorio arraiano. De maneira figurada -unha dúas súas obras máis emblemáticas son os contos de Arraianos (1992)- ou literal, a pé, levantando acta. Esta última versión é a que recompila Edicións Positivas nun volume que reúne medio cento de artigos sobre as lindes, as fronteiras, as estremas de Galiza: Arraiano entre arraianos.
Nélida Piñón, Ferrín e Rivas conversan no XXV aniversario do Pen Galiza
Nélida Piñón, Xosé Luís Méndez Ferrín e Manuel Rivas falarán de literatura o vindeiro 3 de outubro na clausura da VI Bienal Literaria de Compostela.
Pilar G. Negro, Ferrín, Carme Blanco e Victoria Álvarez entran no Padroado da Fundación Rosalía
A Fundación Rosalía de Castro incorpora catro novos nomes ao seu Padroado. O plenario da entidade aprobou a entrada de Pilar García Negro, Carme Blanco, Xosé Luís Méndez Ferrín e Victoria Álvarez Ruíz de Ojea.
Ferrín entregará o Premio Vidal Bolaño das Redes Escarlata
O escritor Xosé Luís Méndez Ferrín entregará o X Premio Roberto Vidal Bolaño das Redes Escarlatas ás persoas que manteñen o blog “De volta para Loureda”. O acto terá lugar o sábado 15 na Facultade de Filosofía de Santiago ás 12 horas.