Xunta da Galiza

Despois de cinco meses coa praza vacante, a Xunta designa como director xerente de AGADIC a unha persoa do mundo da empresa e allea á cultura. Jacobo Sutil traballou con anterioridade como director administrativo-financieiro da constructora San José.

A Xunta vai homenaxear a Rosalía no Día Internacional da Muller coa intervención dunha única persoa do mundo das letras, a escritora Marta Rivera de la Cruz, autora dunha obra íntegra en español, belixerante contra a normalización do galego e colaboradora de Galicia Bilingüe.

A CIG vén de denunciar a intención da Xunta e da Consellería de Sanidade de camiñar cara á privatización da xestión das Incapacidades Temporais (baixas médicas).

O conselleiro de Economía e Industria mostrou a disposición da Xunta a colaborar con Pescanova para facer fronte á situación desta empresa, mais lembrou que deben ser os seus directivos os que atopen "solucións". O valor bursátil da compañía caeu arredor de 300 millóns de euros no que vai de semana.

O secretario xeral de Política Lingüística admitiu na Comisión de Cultura do Parlamento galego que a postura institucional tomouse pola actitude da asociación que dirixe Gloria Lago.

Co anteproxecto da Lei de Costas na man, a pasteira podería ficar na ría de Pontevedra até 2093 de contar cun informe favorábel da consellaría de Medio Ambiente. O seu titular, Agustín Hernández, deu a entender en máis dunha ocasión, coa súa actuación no Parlamento, a súa complicidade coa empresa

A plataforma das Artes Escénicas continúa a pedir á Xunta que non deixe morrer ao sector. O BNG presentou unha proposición no de Lei na que solicitan a recuperación da Consellaría de Cultura, un proceso de diálogo e varias medidas concretas como a reprogramación dos fondos destinados á Cidade da Cultura.

A CIG apresentou no TSXG unha querela por prevaricación e malversación de fondos públicos contra os cargos da Xunta que participaron na venda da conserveira Alfageme, engtre eles os conselleiros de Industria, Francisco José Conde, e de Facenda, Elena Muñoz, así como o exconselleiro Javier Guerra.

A auditora que avalou as preferentes de Caixa Galicia, PriceWaterhouse Coopers, recibiu da Xunta de Feijóo, en conceito de distintos contratos, máis de 1 millón de euros. Na cúpula de PriceWaterhouse Coopers estivo, até se incorporar ao Goberno Rajoy, o ministro de Economía, Luis de Guindos.

O comité intercentros do persoal laboral da Xunta denuncia a recente decisión de eliminar 251 postos de traballo na administración e acusa a Feijóo de mentir

A flota cefalopodeira galega que faenaba en augas de Mauritania retomará as mobilizacións se a Xunta non se compromete a reclamar un novo acordo entre a UE e o país africano que permita aos 20 barcos afectados regresar ao traballo

O deputado socialista José Luis Méndez Romeu denunciou que a Xunta destina 5,5 millóns de euros en salarios "para altos cargos e persoal eventual sen identificar", alén de que os organismos autónomos "agochan as retribucións" do persoal de confianza

Actores, atrices e músic@s deste país continúan a súa vaga de mobilizacións fronte a política de recortes do goberno galego en materia cultural. Após o feche no Gaiás, proseguirán con accións visando un cambio de rumbo da Consellaría de Cultura.

O desaloxo da Plataforma Galega das Artes Escénicas e Musicais do seu feche no Gaiás non desanimou o sector. Hoxe recibiron aos medios de comunicación na mesma porta de AGADIC.

O delegado do Goberno español en Galiza, Samuel Juárez, non debe ter acceso nin as fotografías de imprensa nin a imaxes de televisión. Por iso nega que houbese cargas policiais esta segunda feira perante o portal de Aurelia. Segundo a versión, a actitude da policía foi só defensiva. "A policía só opuxo a forza dos seus corpos contra outros corpos, dixo, alén de enfatizar que non se empregaran medios antidisturbios. O despexo de Aurelia podería ter sido aprazado até a vindeira semana. Porén, Stop Desafiuzamentos non se fía e manterá as quendas. Aurelia só aceitaría mudarse a unha morada na contorna daquela na que vive.

@s nacionalistas presentan unha proposición non de lei na Cámara autonómica para que o executivo paralice e deixe sen efecto os trámites de despedimentos de empregados públicos e amortización de prazas

A CIG denuncia que a Consellaría de Educación pretende amortizar 48 prazas de subaltern@s e auxiliares de centros de ensino que están cubertas por persoal interino. Unha política na liña do 'ERE encuberto' iniciado na Consellería de Traballo coa amortización de 251 postos