![Nós Diario](/media/nosdiario/images/2023/01/10/2023011017211925549.png)
Redacción
16/ago./23 - 09:25
Actualizado: 16/ago./23 - 09:25
O presidente do PP, Alberto Núñez Feixoo, convocou os deputados e senadores do seu partido a unha reunión esta cuarta feira pola tarde no Congreso, un día antes das sesións constitutivas desa Cámara e do Senado, previstas para a quinta feira. Esta será a primeira reunión do líder do PP con todos os seus parlamentarios tras as eleccións xerais do 23 de xullo e mentres se desenvolven as negociacións para a elección da Mesa do Congreso e a Presidencia da Cámara Baixa. A incógnita sobre quen presidirá o Congreso pode manterse ata o último momento xa que Junts convocou unha comisión executiva telemática para decidir a posición do partido na votación da Mesa do Congreso dos Deputados.