O texto quere promover “unha imaxe non sexista do home e da muller” nos contidos que xere a institución. Ademais, procura “prestixiar o traballo das mulleres”, “incluír a perspectiva de xénero” nos informes que elabore e redactalos en “linguaxe non sexista” ou “deseñar protocolos axeitados para dar resposta ás situacións de acoso no eido audiovisual.
Ademais, a academia radografará o sector para analizar a situación laboral da muller. E nos seus actos, galas e órganos -xuntas directivas ou premios Mestre Mateo, por caso- haberá, como mínimo unha representación mínima e máxima 40/60.
Para que os obxectivos do decálogo arriben a porto, a Academia Galega do Audiovisual -“asociación sen ánimo de lucro que agrupa a creadores e profesionais do audiovisual galego”, segundo define a súa páxina- constituirá unha “comisión de igualdade que impulse e faga un seguemento do cumprimento desta e outras accións a prol da igualdade”.