A mediodía do día 28 sairá da Alameda de Compostela o desfile de batucada para o que están convidadas as asociacións, Aperta, Bloquinho de Xermolos, Perqtores, Kilomberos de Montealto, Gostosso Pa, Axé Percusión, Bate no cobre, Cencerro Negro e Tópico de Grelos, alén de distintas escolas de percusión, grupos afeizoados e persoas do mundo da danza. A batucada soará desde a Alameda até a Praza da Quintana onde rematará a manifestación ás 12:00 coa lectura dun manifesto.
Cen percusionistas confirmaron xa a asistencia a esta macrobatucada que ten un dobre obxectivo, por unha banda que a xente goce co espectáculo e pola outra reivindicar "a necesidade de que a cultura sexa unha fonte de riqueza e crecemento accesíbel para todas as persoas".
