Xa é oficial, o Real Club Celta de Vigo anunciou esta cuarta feira o fichaxe de Ilaix Moriba. O centrocampista internacional por Guinea chega á cidade olívica cedido -con opción de compra- desde o Leipzig.
Con 21 anos de idade, volve á Liga, competición na que irrompeu de maneira espectacular co Barcelona cando acababa de cumprir 18 anos. O seu rendemento e potencial nos seus primeiros pasos en Primeira División propiciaron a súa chegada ao Red Bull Leipzig, club ao que pertence na actualidade.
A súa experiencia na Liga foi crecendo a través de cesións en Valencia e Xetafe, que lle permitiron alcanzar os 66 partidos en Primeira División, cun gol e sete asistencias.
Por outra banda, o centrocampista disputou 23 partidos oficiais coa súa selección, e aterra en Vigo tras representar o seu país nos Xogos Olímpicos, unha competición á que Guinea accedeu por segunda vez na súa historia grazas a un gol de Ilaix ante Indonesia. En París, o centrocampista celeste disputou tres encontros coa súa selección, o último fai menos dunha semana ante Estados Unidos.
Neste sentido, é moi posíbel que, como sucedeu a pasada tempada con Bamba, Moriba cause baixa durante practuicamente un mes entre decembro e xaneiro a causa da Copa África 2025.
