Máis unha sexta feira, o galego volve aos quiosques e libraría nas páxinas do semanario Sermos Galiza. De seguido e en pequenas pílulas, debullámosche todos os contidos:
- analizamos os "recortes" de Madrid en Galiza nuns orzamentos xerais do Estado que insisten no saqueo ao país.
- na crónica política falamos das razóns polas que o PP presentou un cartel electoral cun lema neutro e sen siglas.
- entrevistamos a Bieito Lobeira que cerra a lista do BNG por Pontevedra despois de 16 anos de traballo parlamentario.
- en Política contamos os condicionamentos de realizar xuizos en época electoral.
- as mentiras, ou verdades a medias, dos contratos de Pemex protagonizan as páxinas de Economía.
- unha reportaxe sobre a vendima no Rosal achéganos o traballo da Asociación Galega de Viticultores na sección de Comarcas.
- no social tratamos as leis aprobadas pola Xunta do PP e que poden ser "un atentado contra os dereitos das mulleres".
- en Internacional ocupámonos da Colombia que avanza cara á paz.
- lembramos na sección de Memoria a folga de setembro de 1972.
- no apartado de Cultura a crítica de libros, música, cinema, Cindy Sherman, unha viaxe por Pontevedra, o deseño de La Canalla e a experiencia de Okapi e "O neno can"
- na contra entrevistamos a unha sindicalista: Rosa Domínguez.