Que vas atopar neste novo número do noso semanario? Todo isto que che contamos de seguido! 
- analizamos polo miúdo como desde a Xunta de Feijóo quixeron derrubar a nosa cultura para negarnos como nación
- Carlos Callón analiza nunha entrevista o que significou para o galego esta lexislatura do goberno popular de Núñez Feijóo
- abordamos as eleccións galegas, a un mes da cita coas urnas, e as vascas
- palabras de futuro ou fala barat@s? Debullamos as primeiras informacións sobre os programas electorais
- mais... a crise non batía en todas as persoas? Pois non. Minguan os salarios mais medran os beneficios empresarias. Contámosche os porqués
- con Feijóo a débeda da Galiza aumentou a un ritmo de 2 millóns e medio de euros ao día
- mercar, tirar, queimar: falámosche do empeño da Xunta en manter un modelo de xestión de residuos obsoleto: a incineración
- entrevistamos o ensaísta e político Camilo Nogueira co gallo de dous novos libros: Para unha crítica do españolismo e A rota do sol
- ás portas do xuizo do Prestige, pomos riba da mesa todos as chaves para poder seguilo
- falámosche tamén doutras formas de consumir
- en Deportes falamos con Chano Rodríguez, paralímpico galego que gañou 3 medallas en Londres
- en Internacional analizamos as consecuencias da crise en Grecia, Portugal, Irlanda e Francia
- recordamos a Galán Calvete, secretario xeral das Mocidades Galeguistas na Coruña, paseado no 36
- coma sempre, haberá críticas literarias, musicais e de cine!
- artigo de Carme Vidal sobre a biografía que Roi Vidal fai de seu pai, Roberto Vidal Bolaño. Vidal x 3 na sección de Cultura
- en Andar a Terra, o colectivo Xea segue a pasearnos polos Ancares, A Montaña da Galiza. Percórrea con nós
- artigo de Lusofonía de Carlos Quiroga. A nosa xanela sempre aberta alén do Miño
- Lola Dopico descúbrenos en Deseño e Moda as creacións de Ana Piñeiro
- e, como non, Okapi. A nosa amiga baixou do Courel para coñecer os 25 anos de Titiricircus
