O PSdeG advertiu de que a Galiza sofre unha evolución do mercado laboral "alarmantemente inferior" á da media estatal. Nun comunicado enviado esta sexta feira, o portavoz de Economía e Emprego da Executiva socialista, Abel Losada, apunta a unha "contundente valoración negativo" dos resultados da Galiza en termos de desemprego e ocupación.
"Estamos a falar de 2.600 persoas máis en desemprego no segundo trimestre de 2024 en comparación co mesmo período de 2023", asegurou o portavoz socialista.
Diante disto, Estes resultados son inaceptábeis", subliñou Losada.
O socialista atribuíu estes resultados negativos a unha política económica da Xunta da Galiza baseada "na inercia e carente de iniciativas concretas para promover a actividade económica e mellorar a competitividade da economía galega".
Para Losada, “cando o maior exercicio de política económica do goberno galego se limita a carteis publicitarios polas autovías galegas falando de 'desburocratizar', estes resultados negativos do mercado laboral son unha crónica anunciada”, criticou esta sexta feira.
