En Castellón, un home de 48 anos matou as súas dúas fillas, de dous e seis anos. Foi ás cinco da madrugada. O presunto asasino, que se suicidou, levaba un ano separado da nai das crianzas. No Xulgado de Violencia sobre a Muller había dous procedementos abertos contra o home, un por agresión -o órgano recibiu un parte médico- e outro por ameazas.
Non moito despois, un home de 49 anos asasinaba a súa parella cunha arma branca. A vítima, Nuria Alonso Mesa, de 39 anos, tiña co asasino un fillo de 12 anos. O suceso aconteceu en Maracena (Granada).
A cuarta muller asasinada foi en Bilbo. Á unha da tarde, a Ertzaintza atopou un cadáver degolado. O marido da vítima é o principal sospeitoso e foi detido na tarde da terza feira, 25 de setembro.