BNG

O pasado novembro o Parlamento de Galiza acadou un acordo para que a Xunta colaborase cos concellos na recollida e transporte dos residuos de plásticos agrícolas. Nove meses despois, o BNG denuncia o “incumprimento” do Goberno galego.

A portavoz nacional do BNG, Ana Pontón, esixiu ao presidente da Xunta de Galiza que "tome nota" de Catalunya e que apresente un recurso xudicial contra o Estado co obxectivo de que o goberno central pague os 700 millóns de euros que debe a Galiza. Suma ademáis a esta  reclamación,  o pago de 2.000 millóns en compensación pola falta de investimentos durante os últimos anos e 200 millóns para a dependencia.

Os 28 anteproxectos de contratos para 1.206 liñas de autobús son para o BNG “resultado dun deficiente traballo de campo e conteñen numerosos erros e carencias”. Así o demostran, ao ver do deputado Luís Bará, as alegación presentadas polos concellos afectados. E con estes cos que o nacionalista pide “diálogo” de cara a elaborar un plan de transporte por estrada “adaptado á Galiza do século XXI”.

Luís Bará anunciou esta segunda feira que á volta das ferias o BNG vai relanzar a "axenda galega" en materia de transferencias, infraestruturas, enerxía, financiamento e memoria histórica. Un activismo que o parlamentar contrasta coa "parálise" da política do estado, da que responsabiliza a PP, PSOE e Podemos. Un impasse que estaría a prexudicar os intereses galegos, denuncia.

Ollar cara ao futuro, mais “non desde a amnesia e a impunidade”. Así apelaba Ana Pontón, portavoz nacional do BNG, á “xustiza, verdade e reparación de Bóveda e de todos os homes e mulleres represaliadas, encarceradas, silenciadas, rapadas ou asasinadas” no acto que a formación nacionalista organizou en Pontevedra con motivo do Día da Galiza Mártir.

Somos unha nación para a web do Ministerio de Cultura da República francesa e para o Festival de Lorient. Mais somos un "territorio convidado" para a Xunta. O parlamentar do BNG Luís Bará ve nesta asimetría unha "visión acomplexada" do goberno galego.

No Estado español existen oito fundacións que defenden a ditadura. Os seus nomes déixano claro: a Francisco Franco, a José Antonio Primo de Rivera, a Pro Infancia Queipo de Llano, a Blas Piñar, a Hijas de Millán Astray, a Ramiro Ledesma Ramos, a Serrano Suñer, e a Capitán Cortés. O BNG vén de esixir ante a ONU a súa prohibición.

A batalla do BNG pola memoria histórica democrática non se detén. A organización anunciará mañá, cuarta feira, a súa denuncia contra o Estado español por vulnerar a normativa internacional de dereitos humanos ao permitir a “vixencia” da Fundación Franco e dificultar o acceso á documentación sobre a ditadura.

Os dados ofreceunos esta terza feira no Pazo do Hórreo Olalla Rodil. A parlamentar do BNG denunciou que a Xunta demorou un ano en resolver a convocatoria de axudas ao aluguer para menores de 35 anos, cando o prazo máximo para a realización do proceso era de 5 meses. Algunhas persoas demandantes fican sen subsidio embora cumpriren con todos os requisitos. A razón? A falta de orzamento suficiente.

O concelleiro nacionalista, Xabier P. Igrexas, considera un “anacronismo doutro tempo” a presenza neses actos  de cargos institucionais na condición de tales. 

O Bloque demandou no Parlamento Galego apoio económico por parte da Xunta para as seleccións galegas de fútbol gaélico. Para o deputado nacionalista Luís Bará a proxección e o éxito internacional que as equipas galegas teñen, fai que estas actúen como “embaixadoras do noso país” e desexou os mellores resultados para as seleccións nacionais de fútbol gaélico, a feminina e a masculina, que participarán a partir do 28 de xullo nos campionatos mundiais deste deporte.

Miles de persoas anegaron a zona vella da capital galega na mobilización convocada polo Bloque Nacionalista Galego baixo o lema "Galiza, un novo impulso. Soberanía, Traballo, Democracia”. A choiva non desanimou a asistencia á cita. Entre paraugas, bandeiras, faixas e impermeábeis, xentes chegadas de todas as partes confluían na constancia na defensa da Nación galega. “Algo novo está nacendo, algo grande. Empezamos unha nova etapa para o nacionalismo coa vontade clara de liderar Galiza”, dixo Ana Pontón fronte a unha Praza da Quintana a rebordar.

[ACTUALIZADA ÁS 13.45] Pasadas as 12.10 horas púñase en marcha a manifestación nacional convocada polo BNG con motivo do Día da Patria Galega. A chuvia non impediu que milleiros de persoas acompañasen a organización nacionalista nun día “de celebración e de reivindicación dun futuro mellor para a xente que vivimos e traballamos aquí”, en palabras da portavoz nacional, Ana Pontón.

O 24 de xullo de 1989 Francisco Rodríguez saía do cárcere da Coruña após cumprir 28 días de prisión acusado da queima dunha bandeira española nunha manifestación que tivera lugar catro anos antes e na que se protestaba contra o retorno á Galiza dos restos de Castelao.

Na véspera do sexto aniversario do accidente ferroviario de Angrois, a representante do BNG en Europa lamentou que ningún partido fixera referencia ao accidente no debate de investidura.

Un BNG sen medo a voar e que, co horizonte posto en 2020, vai a por todas. Ese é o retrato que pinta da súa organización Ana Pontón nas vésperas do Día da Patria Galega. Consciente dos riscos que sempre se agachan tras a autocompracencia, a líder nacionalista procura non perder o sentido da realidade, mais si ve o Goberno Feixoo seriamente tocado, moi próximo ao seu epílogo. E canto ao papel que o BNG pode xogar na construción da alternativa, non se pon ningún teito.

A portavoz nacional do BNG denuncia que o proceso de investidura de Pedro Sánchez amosou “dun xeito descarnado” que a Galiza “non conta nada” para PP, PSOE e Unidas Podemos. Ademais Ana Pontón reclamou máis medios contra a violencia machista e que non se pacte coa ultradereita que practica un discurso negacionista do machismo.

"Un novo impulso, PARA VENCER". Ese é o título do vídeo producido polo BNG para o Día da Patria Galega 2019. Nos créditos, a realización de José Arangude, e os textos e as voces de Hugo Guezeta (Son da Rúa) e Willow Ghz. Unha reivindicación das potencialidades do país a ritmo de rap. Félix Cebreiro, de Quela Records, foi o responsábel da gravación e da mestura nun vídeo que, como xa é tradición no BNG, ten un carácter eminentemente coral.