BNG

Ana Pontón defendeu en Verín que o voto ao Bloque é votar “pola mellora da vida das persoas”. Ana Miranda afirmou que defenderá en Bruxelas a xestión directa dos fondos europeos para paliar a despoboación nos concellos de Galiza.

Francisco Jorquera encabeza a candidatura do BNG á Alcaldía da Coruña, cidade na que “botou raíces” desde mozo. Estudou Historia na USC, onde foi dirixente de ERGA e dos CAF. Desenvolveu distintas responsabilidades no BNG, ao que pertence desde a súa fundación. Foi ademais deputado nas Cortes Xerais e no Parlamento Galego.

A portavoz nacional incide en que alí onde goberna o nacionalismo “mellora a vida das persoas”.

A candidata nacionalista, Ana Miranda, protagoniza o vídeo dun minuto no que o Bloque quer condensar a idea de Europa que defende. Vídeo no interior

O BNG presentou o programa co que concorre ás eleccións europeas. A primeira iniciativa que defenderá na eurocámara será a posta en marcha do salario mínimo europeo, co obxectivo de rematar coa situación de pobreza en que se atopan milleiros de traballadoras e traballadores na Galiza.

O pleno da Coruña aprobou a moción presentada polo BNG pola que se insta á retirada do título de Fillo Adoptivo a Manuel Fraga Iribarne e a Laureano López Rodó. Só contou coa oposición do PP e trátase da segunda moción que triunfa após facelo en Ferrol.

Presentou lema e imaxe para as eleccións municipais: 'Máis BNG' onde goberna e 'Agora BNG' Onde cogoberna ou está na oposición.

Máis de 4.000 persoas, a metade delas non militantes, integran as 245 candidaturas municipais do Bloque para o 26M. O coordinador de campaña, Rubén Cela, afirma que as municipais “son as eleccións máis próximas e é máis difícil gañalas nun plató de televisión de Madrid”.

O BNG presentou a súa candidatura ás eleccións europeas do 26 de maio. A lista  encabezada pola eurodeputada Ana Miranda ten o obxectivo de continuar a defender os intereses das galegas e galegos e apela “as persoas que levan a Galiza na cabeza e no corazón”.

A executiva do BNG valora a remontada da formación nacionalista e anuncian o inicio dun cambio de ciclo no que o Bloque será decisivo para “abrir un tempo novo” en Galiza. Aseguran que xa comezou a conta atrás para que Feixoo deixe de ser presidente da Xunta.

A pasada quinta feira o Pleno municipal de Ferrol daba luz verde a unha moción presentada polo BNG para lle retirar os honores e distincións concedidas a Manuel Fraga durante a ditadura, cando era ministro de Información. Conversamos ao respecto con Iván Rivas, portavoz do Bloque en Ferrol.

O BNG quedou ás portas de recuperar a representación no Congreso dos Deputados, pero dobrou os votos obtidos en 2016. Máis de 92.000 sufraxios servíronlle a Ana Pontón, portavoz nacional da organización, para celebrar a “remontada” e asegurar que nas inminentes elección municipais “verase o avance do nacionalismo”.

O BNG e o PP foron as primeiras formacións en valorar, desde Galiza, a xornada do 28 de abril. Rubén Cela, coordinador electoral dos nacionalistas, considerou "moi positiva" a participación, sete puntos máis elevada que en 2016.

Carme da Silva Méndez é a candidata do BNG ao Congreso por Pontevedra. Licenciada en Química pola USC, participou desde moi nova no movemento estudantil. Foi deputada no Parlamento galego polo BNG e actualmente é a tenente de alcalde de Pontevedra. Da Silva é unha das impulsoras do ‘modelo Pontevedra’ de mobilidade, recoñecido a nivel internacional. Afronta agora o reto de devolver “a voz propia” a Galiza acadando representación no Congreso para o BNG co obxectivo de defender os intereses das galegas e galegos. Responde por correo electrónico o cuestionario formulado por Sermos Galiza.

 A portavoz nacional participou en Pontevedra nun Vermú feminista, con espazo para os caraveis vermellos en lembranza da Revolución do 25 de abril en Portugal.

O BNG recreou a proclama de Antolín Faraldo para a constitución da Xunta Provisional de Goberno de Galiza no mosteiro de San Martiño Pinario. O acto foi unha forma de reclamar a implementación dun rótulo homenaxeando aos Mártires de Carral.

Ana Pontón e Néstor Rego mantiveron un encontro con delegados e delegadas na CIG na Coruña perante os que se comprometeron a derrogar as reformas laborais e a lei mordaza.