BNG

“É o momento” é o título do videoclip que o BNG vén de lanzar nas redes para chamar ao voto o 28 de abril. Rock, rap e toques tradicionais reforzan a aposta política do Bloque pola promoción da creación e a defensa da cultura galega.

O PP “tomará en consideración” e estudará, tanto no grupo parlamentario como no partido, o manifesto pola pluralidade lingüística Liberdade, igualdade, democracia, entre cuxos impulsores se atopa A Mesa pola Normalización Lingüística. A entidade reuniuse esta segunda feira cos populares e co BNG e, en datas vindeiras, farao con En Marea.
 

Na recta final do camiño que leva ao 28 de abril, a portavoz nacional do BNG, Ana Pontón, salienta que “hai partido”, e apela a votar o Bloque “para dárlle voz a Galiza” e para “quitarlle escanos á dereita antigalega de Vox e Ciudadanos”.

O Aberri Eguna contou coa participación do BNG por medio do seu coordinador da área de relacións internacionais, Rubén Cela. No acto organizado por EH Bildu en Iruña reivindicouse o dereito a decidir dos pobos. O PNV conmemorouno en Bilbo ante centos de persoas, e Podemos uniu a reivindicación da data cos dereitos sociais. O acto organizado pola dereita española para contraprogramar a Bildu só xuntou unhas ducias de asistentes.

Iago Tabarés (Ourense, 1969) volve á primeira liña política despois do seu paso como parlamentar do BNG no Hórreo entre 2005 e 2009. Tabarés, que desenvolve a súa actividade profesional como avogado, lamenta que na anterior lexislatura Galiza non tivese "forzas políticas propias" en Madrid, coa "cabeza e o corazón no país". "Quedou relegada ao último punto da axenda de todas as formacións políticas que sacaron representación nos pasados comicios", denuncia o cabeza de lista do Bloque por Ourense. ​Responde por correo electrónico o cuestionario formulado por Sermos Galiza.

O BNG reclama desde a Casa Cornide a devolución do patrimonio roubado ao pobo galego por Franco e denuncia a existencia dun “posfranquismo” na Casa Real, na xustiza e na política da man de partidos “que traen involución democrática”.

Maite Ferreiro Tallón naceu en Tórdea, Castroverde, no seo dunha familia labrega, e desde nova participou nas loitas agrarias conta a cota empresarial. Afirma que comezou así “a ser consciente de que o nacionalismo era unha boa ferramenta para defender o país das políticas que estaban acabando co mundo rural”. Foi responsábel da Secretaría de Mulleres do Sindicato Labrego Galego, traballou en varias empresas e desde o 2015 é concelleira do BNG en Lugo. Afronta agora o reto de liderar a candidatura do BNG por Lugo ás eleccións xerais. Responde por correo electrónico o cuestionario formulado por Sermos Galiza.

O BNG presentará no próximo pleno municipal de Ferrol, que decorrerá a próxima quinta feira, día 25, unha moción na que pide a retirada das distincións e títulos a Manuel Fraga.

Diante das instalacións de Ence ao pé da ría de Pontevedra e rodeada de candidatas e cargos orgánicos e institucionais do Bloque da comarca, Ana Pontón acusou Feixoo de “amparar as prácticas mafiosas” da pasteira para “frear un BNG en remontada”.

O sector pesqueiro é, para o BNG, un exemplo “do talento, empuxe e innovación” de Galiza, “capaz de facer grandes cousas cando nos deixan”. Así o expuxo a súa portavoz nacional, Ana Pontón, nun acto electoral no porto de Celeiro esta cuarta feira.
 

Na visita ao centro de investigacións Cimus da USC, Ana Pontón e Néstor Rego denunciaron os recortes en I+D+i por parte da Xunta e o Goberno central. A portavoz do BNG esixiu un orzamento xusto que permita a Galiza converterse en referencia internacional na investigación.

De mafia, de esbirros de Ence e de distintas dereitas que operan na Galiza. Así cualificou Came da Silva, cabeza de lista do BNG ao Congreso por Pontevedra, o sector do que proceden as novas ameazas que vén de recibir.

Ana Pontón tomou parte nun acto simbólico en defensa da modernización do tren en Ferrol, excluído do eixo atlántico ferroviario.

Néstor Rego encabeza a candidatura do Bloque pola Coruña para o Congreso. Profesor de lingua galega e literatura, naceu no Vicedo en 1962 e participa do nacionalismo desde 1977, cando comezou o seu activismo en ERGA. Participou tamén da fundación dos CAF e do propio BNG, e foi tenente de alcalde e concelleiro de Cultura de Santiago (1995-2008). É portavoz dos 19 de Meirás, denunciados pola familia Franco por protestar contra o espolio do pazo.

Ana Pontón apela ao voto indeciso para lograr que Galiza “sexa decisiva”.

A portavoz nacionalista criticou as persoas candidatas das forzas estatais que veñen a Galiza en eleccións para facer “turismo electoral”.

A formación nacionalista organizou unha concentración de motos para visibilizar o incremento da sinistralidade nas estradas galegas e reclamar medidas de  protección para persoas motoristas e ciclistas  en vías urbanas e interurbanas.

Xulgados de violencia de xénero en todas as cidades galegas, veto aos ventres de alugueiro e aumentar a un ano o permiso por maternidade e paternidade son tres das propostas da formación nacionalista para este 28A.

O presidente da Xunta, Alberto Núñez Feixoo, considera que o momento non é o “oportuno” para Galiza solicitar ao Estado que se transfiran competencias, debido ao auxe do independentismo.

​

Alertan do “centralismo voraz” que silencia a cultura galega e subliñan o compromiso da organización nacionalista na defensa do país.