ERC, JxCat e CUP pactan unha proposta en favor dos dereitos políticos de Puigdemont
Será votada esta cuarta feira no Parlament. Hai acordo no independentismo á hora de erguer a bandeira simbólica do president, non tanto sobre se hai que pasar tamén ao terreno dos feitos e promover a súa investidura, co risco conseguinte de sofrer un novo ataque do poder xudicial español.
Un cento de persoas feridas e seis detidas nos protestos contra a detención de Puigdemont
Os antidisturbios cargaron contra os manifestantes en Barcelona e Lleida. Ducias de miles de persoas tomaron parte nas mobilizacións contra o arresto do expresidente.
Miles de persoas saen á rúa en Catalunya contra a detención de Puigdemont
Diferentes convocatorias ao longo do territorio catalán volven rexeitar as medidas represivas contra os líderes independentistas.
"Recuperamos o orgullo de ser do BNG"
Hai unha cousa que transmite claramente Ana Pontón: a convicción de que Galiza ten futuro e de que o derrotismo é estéril e reaccionario. Fai dous anos ao fronte da portavocía nacional do BNG, dous anos de vertixe, en plena ofensiva do Estado e as súas terminais políticas, mediáticas e xudiciais contra o soberanismo. Unha batalla que non é só de Catalunya, que atinxe a médula da democracia e que toca tamén Galiza e os seus dereitos nacionais. Está persuadida de que o BNG é unha forza á alza, esa expresión é hoxe un mantra nos seus beizos. E aponta a que o Bloque será a sorpresa nas municipais de 2019.
“O momento é excepcional”: o pleno de investidura torna nunha sesión de defensa das liberdades
O executivo de Rajoy ameaza o president da Cámara con emprender accións contra el se mantiña a sesión de investidura. Torrent suspendeu o pleno de investidura, que pasou a ser unha quenda de intervencións das formacións representadas na Cámara. Finalizado o debate, Torrent leu unha declaración institucional. Propuxo unha "fronte común" na defensa da democracia e os dereitos fundamentais.
Torrent suspende a votación do pleno após as ameazas do goberno español
O executivo de Rajoy ameaza o president da Cámara con accións se mantén a sesión de investidura. Torrent inicia a sesión cunha mensaxe aos líderes independentistas presos e exiliados: "Non descansarei até que esteades en casa".
Puigdemont xa non está en Finlandia
Finlandia recibe a orde cursada por Pablo Llarena para deter o expresident catalán. España remitiu a euroorde de detención de Puigdemont en español e Helsinqui respóndelle que a remita en inglés.
O Tribunal Supremo procesa por rebelión 13 líderes independentistas cataláns
Carles Puigdemont, Oriol Junqueras, Carme Forcadell, Marta Rovira e Jordi Turull entre as persoas procesadas. O delito de rebelión está penado até con 25 anos de prisión. O maxistrado Pablo Llarena decide procesar 25 das 28 persoas investigadas, entre membros do Govern, da mesa do Parlament ou portavoces de grupos parlamentares independentistas.
Marta Rovira non se presenta no Supremo e marcha ao exilio
A secretaria xeral de ERC anunciou esta quinta feira que deixaba o escano e esta sexta anunciaba nunha carta á militancia a decisión de marchar para o estranxeiro.
Turull elude falar de República e de DUI, mais lanza un apelo ao diálogo co Estado e coa CUP
A sorte estaba botada desde que a CUP anunciou a súa abstención. Non houbo marxe para a surpresa e Jordi Turull fracasou no seu primeiro asalto á investidura. Enfrentaba a sesión sabendo que en primeira instancia tiña a batalla perdida, sabendo que esta sexta feira comparecería perante o xuíz Llarena sen ser o president da Generalitat. O seu discurso foi na liña da restauración do autogoberno catalán, un mundo post-155. Non houbo nen rastro de referencias nen á República nen á ruptura independentista. Si fixo ofertas de diálogo. Co Estado e coa CUP.
Pleno de investidura exprés de Jordi Turull o día antes de comparecer ante Llarena
A resposta do soberanismo ao novo golpe do poder xudicial español non se fixo esperar. O president do Parlament, Roger Torrent, convocou o pleno de investidura de Jordi Turull para esta quinta feira ás 17 horas. Esta sexta feira o candidato ten de comparecer perante o xuíz Llarena, quen podería tomar a decisión de o enviar a prisión.
Llarena volta a interferir nos planos de investidura ao citar Turull para esta sexta feira
A opción C do independentismo para a presidencia da Generalitat podería fracasar se esta sexta feira o xuíz Llarena ordena o ingreso en prisión de Jordi Turull. O poder xudicial español continúa a torpedear o normal funcionamento das institucións catalás.
JXCat ofrece á CUP unha cuestión de confianza no ecuador do mandato para facilitar a investidura
Novo momento en Catalunya para tratar de desbloquear a investidura. Desta vez, Junts per Catalunya ofrécelle á CUP unha cuestión de confianza no medio da lexislatura a cambio do seu apoio para investir president da Generalitat.