Catalunya

Soan graves as súas palabras e son palabras cualificadas, as dun dos máis reputados xuristas das últimas décadas no estado español: "Vivimos nun golpe de estado. E dun golpe se sabe como se entra, mais non como se sae", afirma Javier Pérez Royo, catedrático de Dereito Constitucional pola Universidade de Sevilla e analista político portador dun discurso practicamente sen par no taboleiro mediático español. O golpe de Estado perpetrouno en 2010 o Tribunal Constitucional cando tombou o Estatuto de Autonomía referendado polo pobo catalán. A partir dese momento "Catalunya ficou sen Constitución" e España sen democracia porque "non pode haber democracia en España se Catalunya non pode exercer libremente o seu dereito á autonomía".

Nova volta de porca dos aparatos represivos contra o procés e altos cargos do Govern. Desta volta, a Garda Civil detivo Antoni Molons, secretario de Difusión da Generalitat, após rexistos no seu domicilio, no Palau da Generalitat e na sede de Ómnium Cultural.

A dirección da prisión decidiu separalo do compañeiro de cela, Oriol Junqueras.

Jordi Sànchez vai recorrer perante o Tribunal Supremo, mais tamén perante o Tribunal Europeu de Dereitos Humanos, o veto do xuíz Llarena á súa presenza física no pleno de investidura.

En 1987 un militante de ETA si puido abandonar a cadea para asistir a unha sesión parlamentar como candidato. Llarena argumenta agora que non ten en conta ese precedente porque, a diferenza de Juan Carlos Yoldi, Jordi Sànchez si podía obter a confianza da cámara e ser eleito presidente.

Esquerra Republicana de Catalunya apoia finalmente a candidatura á Presidencia da Generalitat de Jordi Sànchez. Líder da Assemblea Nacional Catalana, Sànchez atópase en prisión preventiva desde o pasado 16 de outubro.
 

Ex deputado da CUP e unha das voces referentes do independentismo catalán, Botrán estivo estes días na Galiza –da man de Mar de Lumes- para explicar de primeira man que é o que está a acontecer en Catalunya. Fai memoria e lembra as súas recentes visitas: “catro veces en dous anos”. Botrán defende a forza social do independentismo a pesar da carta represiva xogada polo Estado e insiste nunha idea: "“Cada vez que hai espazo para o debate, o independentismo avanza”. Vídeo no interior.

A maioría absoluta do bloco soberanista (JxCat, ERC e CUP) bastou para o Parlament aprobar esta quinta feira unha declaración política de recoñecimento da lexitimidade de Puigdemont como president. O texto condena o 155 e vén recoñecer que son as inxerencias do Estado -co seu aparato represivo- as que impiden a materialización da investidura de Puigdemont. Após unha transacción coa CUP, o pronunciamento elude reafirmar a DUI, para conxurar o risco dunha acción xudicial contra Roger Torrent e os membros soberanistas da Mesa do Parlament.

Ese é o prognóstico do Centro D'Estudis de Opinió (CEO), o instituto demoscópico catalán. A sondaxe, realizada do 10 ao 30 de xaneiro, sinala que por vez primeira a oposición á independencia de Catalunya superaría 50 por cento das persoas inquiridas. Porén, 55 por cento son favorábeis ao procés, isto é, ao direito a decidir.

Familiares de Guardiola asistiron entre perplexos e escandalizados ao rexisto, no aeroporto de El Prat, do avión privado en que retornaban dun desprazamento a Manchester, informou esta sexta feira Catalunya Rà e segyudio. O treinador catalán é coñecido polo seu apoio ao procés.

O goberno helvético anuncia que non extraditaría Anna Gabriel, caso de receber unha petición expresa española nese sentido, porque a súa lexislación non contempla a entrega de persoas a outros estados cando se trata de delitos políticos. É un duro golpe para Madrid.

O Alto Tribunal estima por unanimidade o recurso da Generalitat contra a coñecida popularmente como Lei Wert.

A ex parlamentar da CUP reedita a vía de Puigdemont e non comparecerá esta cuarta feira perante o xuíz Llarena. No canto de se deslocar a Bruxelas, ficará en Suíza. "Non irei a Madrid", declarou ao rotativo helvético Le Temps.

Marta Pascal suxire que Puigdemont podería propor un candidato alternativo.