A CIG anunciou esta cuarta feira a convocatoria de mobilizacións en todas as comarcas da Galiza o vindeiro día 29 de novembro. A central sindical denuncia a insuficiencia das medidas articuladas desde o Gobernos do Estado e da Galiza para paliar a carestía da vida. Unha situación fronte a que demanda “un verdadeiro plan de choque para frear os efectos devastadores dos altos prezos e para afrontar unha saída galega xusta da crise”.
As diversas proxeccións publicadas nas últimas semanas avanzan un empeoramento das condicións económicas para o ano vindeiro. Neste liña, a Airef apunta a un escenario recesivo na Galiza en 2023. Asemade, as perspectivas do BBVA colocan o país á cola do crecemento no Estado español.
A onda internacional de mobilizacións contra a crise chega a Italia, que acollerá unha protesta para demandar o final da guerra en Ucraína vinculándoa co aumento dos prezos, despois dunha sucesión de mobilizacións no continente reclamando medidas urxentes.
O investimento por habitante da Xunta para 2023 vai ser de 4.319 euros, cifra que fica 60 euros por baixo do gasto por galego e galega en 2022, unha vez actualizada a suba do custo da vida conforme ao IPC. O orzamento para 2023 fica por baixo do aumento medio das contas en Educación ou dinamización do medio rural.
O incremento de prezos na Galiza foi en setembro de 9,2% con respecto ao mesmo mes de 2021, tres décimas por riba da cifra do conxunto do Estado español. O custo dos alimentos incrementouse en 13,3%.
Os bancos de alimentos están a ver incrementado o número de persoas ás que prestan servizo, nun contexto marcado pola suba xeneralizada dos prezos a causa da inflación (9% no último mes a nivel estatal) e pola crise, cunha situación en que 48% das familias galegas teñen dificultades de para chegar a fin de mes, segundo os últimos datos do Instituto Galego de Estatística (IGE).
A inflación non dá tregua. O seu impacto afecta toda a cadea económica, xerando un empobrecemento xeneralizado das maiorías sociais por diversas vías. As persoas aforradoras galegas viron reducido o valor efectivo dos seus depósitos en 8.706 millóns de euros durante a última anualidade.