Sanidade

O fechamento de camas, a poxa de servizos como a esterilización de material entre as empresas privadas e os recortes orzamentarios, marcan a política da Consellaría de Rocío Mosquera. Novas concentracións en defensa da sanidade pública decorrerán esta cuarta feira nos hospitais do país.

Continúan as mobilizacións contra a decisión da Xunta de desmantelar un total de 1.200 camas hospitalarias durante os catro meses do período vacacional. Vídeo no interior.

Esta cuarta feira, 26 de marzo, persoal e poboación en xeral sairán de novo ás rúas na defensa da sanidade pública e contra os recortes en servizos, a privatización e os copagamentos. As marchas terán lugar en A Coruña, Ferrol, Santiago, Ribeira, Pontevedra, Vigo, Ourense, O Barco, Lugo e Burela. 

A conselleira de Sanidade, Rocío Mosquera, tivo que saír escoltada por axentes da policía do Complexo hospitalario universitario de Ferrol após unha concentración de traballador@s que defendía o carácter público da sanidade. Dous sindicalistas da CIG foron detidos. 

Pontevedra amosou o seu rexeitamento á privatización da sanidade nunha manifestación convocada pola Plataforma SOS Sanidade Pública. Denuncian o traslado de pacientes a Compostela e advirten que tomarán medidas mesmo legais porque se están a "vulnerar o dereito á asistencia sanitaria".

Concentracións no Meixoeiro e no Hospital Xeral denunciaron o proceso de privatización do servizo de esterilización e os despedimentos que carrexará a decisión da Xunta, perto de 200 na cidade olívica. As Xuntas de persoal exixiron a demisión da conselleira de Sanidade, Rocío Mosquera. 

Nunha entrevista concedida á Cadena Ser, o voceiro parlamentar da formación conservadora rexeitou que Rocío Mosquera compareza para explicar o nomeamento do seu marido como xefe de servizo do Hospital Clínico de Santiago e di que quen "debe comparecer" é a directora de recursos humanos.

Perante a reunión da Mesa sectorial de Sanidade, un cento de representantes sindicais exixiron a demisión da conselleira após coñecerse a sentenza do TSXG que condena o Sergas por "desviación de poder" cando ela era xerenta. 

A decisión da administración outorgaba a xefatura do Clínico de Compostela ao marido de Rocío Mosquera. Na sentenza o xuíz sinala unha "falta de motivación clamorosa" e un delito de "desviación de poder". Mosquera era naquela altura xerenta do Sergas. 

A plataforma pola defensa da sanidade pública constituiu a súa sección xuvenil que arrancará os seus actos de protesta cunha xornada lúdico-reivindicativa en Compostela.

Trece manifestacións na segunda xornada de folga xuntaron o maior número de persoas que se lembra na defensa da sanidade pública. A convocatoria das mobilizacións no peche da segunda xornada da folga do persoal público deixou á vista a forte oposición coa que se atopa a política privatizadora do PP. Máis de 80% de persoal en folga e milleiros nas rúas.

A poboación galega está chamada esta terza feira a participar en trece mobilizacións en apoio ás mesmas reivindicacións que conduciron ao persoal da sanidade pública a dous días de folga contra a privatización e o deterioro dos servizos. Os sindicatos convocantes CIG, CCOO, CESM e O´Mega estimaron no 80% o seguimento da folga. 

Todos os grupos da Cámara --agás o Partido Popular-- amosaron o seu apoio @s traballador@s da sanidade pública, en folga contra os recortes e privatizacións impulsados pola dereita, mentres o goberno galego defende as súas medidas.

Ao non contabilizaren os servizos mínimos, desde a consellaría de Sanidade ofrecen como dado o 21,85% de seguimento a nível nacional e de entre o 12 e o 36% dependendo da área sanitaria. En greves anteriores tiña recoñecido unicamente entre un 3 e un 5% de participación. Os sindicatos convocantes --CIG, CC.OO., CESM e O'Mega-- cifran o seguimento por riba do 80%.

O persoal do SERGAS encetou na noite do domingo unha folga que se prolongará ate a noite da terza feira día 10. Convocada por CIG, CCOO e CESM-O´Mega, quere manifestar a oposición ás políticas privatizadoras impulsadas polo PP. A cidadanía está chamada a se mobilizar a terza feira á tardiña. 

Segunda e terza feira hai folga na sanidade galega, convocada por CIG, CCOO, e CESM-O´mega. A plataforma cidadán “SOS-Sanidade Pública” participará nas manifestacións que están convocadas para a terza feira á tardiña, en defensa dunha sanidade pública universal, de calidade e gratuíta. O portavoz da Agrupación Médica da CIG-Saúde (AgM-CIG) e membro de SOS-Sanidade Pública, Francisco Vázquez Vizoso afonda nas razóns que explican a folga.

Cos únicos votos favorábeis do Partido Popular, o Parlamento aprobou a Lei de garantías de prestacións sanitarias. A norma muda o modelo sanitario galego e inicia o seu proceso de privatización, alertan as forzas da oposición e sindicatos. 

De aquí a 2014, a consellaría de Sanidade di que quere construír dúas áreas de xestión clínica nos hospitais e outra en atención primaria. Que é o que vai facer en realidade? Onde o vai facer? Minguará a calidade da atención sanitaria? Que vai pasar cos e as funcionarias laborais que dependen do Sergas? 

CIG e CCOO chaman á cidadanía a apoiar esta mobilización os días 9 e 10 de decembro. “Temos que impedir que fagan da saúde un negocio para a privada”.