O documental, que será presentado pola Comisión pola Recuperación da Memoria Histórica (CRMH) da Coruña nos próximos días, pretende presentar a “cara B” da biografía de Manuel Fraga con motivo do 100 aniversario do seu nacemento, o 23 de novembro de 2022.
Manuel Fraga foi ministro de Franco, desde 1962 a 1969, e ministro do Goberno español de Arias Navarro que se formou tras a morte do caudillo, desde o 12 de decembro de 1975 até o 1 de xullo de 1976. Nunca ostentou un Ministerio do Estado español após a ditadura.
Nese medio ano, como ministro de Gobernación, estivo á fronte dun aparello represivo que foi protagonista de duras cargas en manifestacións, de detencións arbitrarias e sen garantías, de torturas nos cuarteis e comisarías e, incluso, de disparos mortais sobre traballadores, como en Elda, Tarragona, San Adrián de Besós, Basauri ou no asalto policial á igrexa vitoriana de San Francisco de Agarrades, un masacre que deixou cinco mortos e decenas de feridos.
73 proxectos para a xeración de hidróxeno verde ou biometanol buscan axudas públicas para instalarse na Galiza. A maioría deles están promovidos por multinacionais estranxeiras que tentan aproveitarse das grandes potencialidades do país para estas producións. O último deles está impulsado por Maersk.
Ante un posíbel apoio ou confluencia con Sumar, o candidato, Xan Xove, sinala que as portas están abertas a todos, mais aclara que están centrados no proxecto.
