Alberto Núñez Feixoo

O PP perdería a Xunta de Galiza se se realizaren hoxe unhas eleccións ao Parlamento autonómico. Esa é a principal conclusión do estudo demoscópico elaborado por Electomania. A esquerda e o nacionalismo poderían formar un goberno alternativo. En estimación de voto, o BNG supera a confluencia de Podemos e Esquerda Unida.

“Feixoo aparenta agravio e vitimismo cando o que hai é traballo do Goberno socialista para resolver os problemas das galegas e os galegos”. Así respondeu, desde a Festa do Polbo do Carballiño, Gonzalo Caballero, líder do PSdeG, á estratexia do PP dos últimos días: o desaire permanente a causa de Pedro Sánchez.

Casado xoga a que haxa convocatoria electoral o 10N e en ningún momento da sesión de investidura recolleu a luva tendida dun Sánchez que demandaba a abstención da bancada popular para viabilizar a súa continuidade na Moncloa. Nunha entrevista na SER, Feixoo quixo meter cabeza no debate e marcar perfil propio.

Alberto Núñez Feixoo sinala que o Partido Popular está a deseñar unha ruta cara a unha Galiza “familiar, verde e innovadora”. O presidente da Xunta participou con estas palabras no acto que o PP realizou con motivo do 25 de xullo e que tivo lugar aos pés da estatua en Lalín de Balbino, o personaxe de Neira Vilas en Memorias dun Neno Labrego.

“É o político máis interesante co que me reunín", afirmou o alcalde de Ourense, Gonzalo Pérez Jácome sobre o presidente da Xunta de Galiza. Feixoo acolleu de bo grao as propostas políticas do alcalde ourensán tan só uns meses após telo cualificado de “rexedor letal para Ourense”. Culmina así a primeira reunión pública entre ambos os dous.

A menos dunha semana para o Día da Patria Galega e a maioría das formacións políticas xa teñen perfilada a súa axenda de actos. Desde o PP anuncian que a vindeira terza feira 23 de xullo celebrarán o seu acto. Será en Lalín cunha ofrenda floral ante a escultura de Balbino, na rúa Memorias dun Neno Labrego, coa que pretenden homenaxear a Galiza rural.  

No debate decorrido no Parlamento Galego sobre o envellecemento da poboación galega Feixoo sinalou as causas da crise demográfica en que “cada vez hai menos mulleres en idade fértil”. Respostou así ás esixencias de Ana Pontón a prol de relanzar a economía galega e loitar contra a precariedade co obxectivo, entre outros, de favorecer a natalidade. Nese sentido, Xoaquín Leiceaga sinalou as políticas de Feixoo como “o mellor anticonceptivo na Galiza”. Manuel Lago estreouse nas preguntas ao presidente polo grupo de En Marea denunciando o empobrecemento das galegas e galegos.

Desde o sector agrario criticaron as declaracións do presidente da Xunta de Galiza, Alberto Núñez Feixoo, nas que asegurou que a redución de granxas lácteas na Galiza “non é preocupante”. O presidente galego avogou en que o país camiñe cara a un modelo de explotación intensiva.

Na sesión de control ao goberno galego, Ana Pontón afeou a Alberto Núñez Feixoo o pacto secreto do PP con Vox, un partido"anti-galego" que non combate o "terrorismo machista". O líder conservador replicou á dirixente soberanista que nas súas recentes declaracións sobre Resistencia Galega perdera a oportunidade de introducir mudanzas no discurso do nacionalismo galego sobre o terrorismo. Pontón pediu o amparo do presidente da cámara, mais só conseguiu ser chamada á orde.

No marco das probas ABAU, máis coñecidas como selectividade, potenciouse unha polémica que a portavoz nacional do BNG, Ana Pontón, tacha de “estéril”, xa que detrás dela non considera que estea nin a defensa da igualdade de oportunidades nin os intereses do alumnado, senón unha vontade de recentralizar o ensino. Nese sentido, a líder nacionalista sinala Feixoo como seguidista da estratexia centralista do PP.

Se á altura do 30 de xuño non aparece unha oferta privada de adquisición da planta coruñesa de Alcoa, a Xunta debe tomar a iniciativa e "liderar" unha operación que incorpore a factoría ao sector público. Esa proposta foi formulada esta cuarta feira por Ana Pontón, líder do BNG, durante a sesión de control ao Goberno. Feixoo nin a tomou en consideración e limitouse a descargar as súas baterías contra A Moncloa e contra o Bloque por se prestar a pactar co PSOE nos concellos e nas deputacións.

O presidente da Xunta de Galiza quere centrarse no seu compromiso de “gobernar” e non fará públicas outras opcións posíbeis de futuro até que el e o seu partido “consideren oportuno”.

Iso é, dixo o presidente da Xunta, o que “o que dita o sentido común”, apelando ao goberno da lista máis votada, un argumento que non gosta aos intereses a dirección española do PP. 

Primeiro foi Alfonso Rueda. Despois Bea Mato. E, por último, esta terza feira Feixoo. Xa non pode ser casual. Responde a unha estratexia do PPdeG, a de defender que a lei electoral é a responsábel de que o partido conservador na Galiza se vexa privado de poder municipal. Unha reforma da LOREX funcionaría para a formación conservadora en Galiza, mais non no estado e bate frontalmente contra os intereses de Casado en Madrid.

Alí onde o PP precise de Vox para alcanzar alcaldías e presidencias autonómicas, Feixoo recomenda apoiarse no partido de ultradereita, mais tentando evitar darlles postos nos gobernos. Esa é a receita do presidente da Xunta após o 26M.

A eventualidade das e dos traballadores da sanidade, as políticas para acceder a unha vivenda digna e o bloqueo da Xunta aos concellos non gobernados polo PP foron os temas sobre os que Pontón, Leiceaga e Villares preguntaron ao presidente da Xunta no pleno do parlamento.

Non está sendo a campaña electoral máis cómoda para Feixoo. Apenas un mes despois de que o PP colleitase o seu peor resultado histórico en Galiza, percorre o país alertando contra a división do voto na dereita, defende que o seu é un partido de centro e obvia a súa relación coa ultradereita de Vox. Este domingo, en Ribeira, apuntou ao seu particular inimigo triplo: “Socialistas, nacionalistas e populistas”.
 

Un duplo fracaso do PP nas urnas do 26 de maio pode ser fatal para Pablo Casado após a perda histórica sufrida nas eleccións xerais. Pola contra, e pese a colleitar os peores resultados da historia do PP en Galiza, despunta outra vez o nome de Alberto Núñez Feixoo como novo relevo en Madrid.

Sitúa o Partido Popular como representante dos valores “moderados”, “galeguistas” e “reformistas”.