Alberto Núñez Feixoo

En Marea e o PSdeG centraron as súas preguntas ao presidente da Xunta, Alberto Núñez Feixoo, na situación que sofre a sanidade pública. As intervencións coincidiron no tempo coa peregrinación do colectivo Precarias pola Atención Primaria, que se manifestou contra os recortes.

A vaga de incendios que está a ter lugar no inicio desta primavera é creada “pola súa política forestal ao servizo de Ence”. Así comezaba Ana Pontón, portavoz do BNG no Parlamento, a intervención na sesión de control ao goberno que tivo lugar na mañá da cuarta feira. Feixoo, pola súa banda, afanouse en defender os postos de traballo en Ence.

O BNG pide un debate cos líderes políticos galegos na televisión pública galega sobre as eleccións xerais, tal e como se fixera en 2008 a proposta de Núñez Feixoo. O presidente da Xunta evita posicionarse a respecto da solicitude das nacionalistas ao non ter coñecemento da mesma. Sobre o que si se posiciona, e faino a favor, é sobre a petición de Pablo Casado a Vox de que non se presente nas circunscricións pequenas para non 'dispersar' o voto da dereita española. 

10 anos despois de dar a sorpresa e gañar as eleccións galegas fronte ao bipartito (PSdeG-BNG), Feixoo é un supervivente nun taboleiro político galego totalmente renovado. A súa única perspectiva, salvo a de que se lle volva abrir a ventá de oportunidade madrileña, é a de perdurar.

Non estivo cómodo Feixoo na sesión de control previa ao 8M. Apenas puido utilizar o seu argumentario de cabeceira, o seu retrouso de que todo tempo pasado (ou sexa, o bipartito), foi peor. Atacado con distinto grao de dureza por Pontón, Villares e Leiceaga, non foi quen de se desmarcar da fervenza de manifestacións machistas proferidas nos últimos días polo seu xefe político estatal, Pablo Casado.

O PP volve vetar unha proposición para que Núñez Feixoo compareza no Parlamento após cada viaxe oficial para dar conta dos mesmos. As comparecencias na Cámara por ese motivo eran algo habitual até que o PP recuperou a Xunta.

O manual dos gabinetes de comunicación dicta que en ocasións como estas hai que saír aos meios a dicer que estás preparado para o novo desafío electoral e que non te colleron por sorpresa. A ese guión ativéronse todas as forzas galegas após Sánchez adiantar as eleccións xerais. A oposición reborda optimismo. Feixoo, nun chío en castelán, ve o PP en condicións de "demostrar que hai outra forma de gobernar para todos os españois".

As peculiaridades da mecánica parlamentar levaron as emendas á totalidade aos orzamentos do estado a seren votadas conxuntamente. O efecto resultante é que PP, Cs, ERC e PDeCAT votaron en bloque contra as contas pactadas por PSOE e Podemos. O episodio permite a Gonzalo Caballero atacar o presidente da Xunta polo que cualifica de "pinza" do PP coas forzas independentistas.

Unha década despois de chegar a Monte Pío, Feixoo continúa a exercer como xefe da oposición. É o rol no que realmente se sente cómodo. Oposición ao bipartito (2005-2009), ao goberno Zapatero (2004-2012) e ao executivo Sánchez (xuño de 2018-actualidade). A sesión de control ao presidente da Xunta desta cuarta feira volveu pór de manifesto que a táctica favorita de Feixoo é o contragolpe. Pontón pediulle o cesamento do conselleiro de Sanidade e o titular do goberno galego contra-atacou deslizando unha suposta connivencia do nacionalismo coa queima de ambulancias.

A través das redes sociais, chaman a se concentrar diante da sede do Celta esta quinta feira ás 18 horas, coincidindo co acto de Pablo Casado e Alberto Núñez Feixoo a prol da unidade de España.

As miles de persoas que encheron as rúas e prazas de Compostela este domingo lembraron ao presidente galego as frontes abertas que ten na sanidade pública. Non son poucas. De Atención Primaria aos PAC, pasando por urxencias hospitalarias ou as ambulancias. Feixoo debería tomar nota das tarefas que a este respecto lle pon unha parte considerábel da sociedade galega.

Como cabía agardar, a oposición cargou esta segunda feira contra o presidente da Xunta por alterar a súa axenda institucional para compartir coa ultradereita a manifestación contra o Goberno Sánchez, xusto no momento en que miles de persoas protestaban en Compostela contra a política de privatización e deterioración da sanidade pública despregada desde San Caetano.

Após modificar a súa axenda da súa viaxe oficial aos EUA, Alberto Núñez Feixoo participou na manifestación convocada polo PP, Ciudadanos, Vox e outros colectivos de ultradereita, en Madrid. En alusión a grupos como a propia Vox e Falanxe, sinalou que “aqueles que defenden e aceptan a Constitución e a convivencia son benvidos a esta convocatoria”.

Unha maré de persoas respondeu á convocatoria de SOS Sanidade Pública contra os recortes sanitarios e contra a precarización. Feixoo, deslocado a Madrid para participar na manifestación de PP, Ciudadanos e Vox contra o Goberno de Pedro Sánchez, foi o gran protagonista das consignas que se berraron en Compostela.

Dúas manifestacións centran a atención da opinión pública este domingo. En Compostela, prevese que milleiros de persoas acudan ao chamamento de SOS Sanidade Pública contra o “desmantelamento” e os recortes da Xunta. Á vez, en Madrid, Feixoo manifestarase co PP, Ciudadanos e Vox na mobilización contra o Goberno de Pedro Sánchez.

A prioridade é a presidencia da Xunta e non o partido, mais se fai falta "adaptar" a axenda daquela para atender a este, faise sen problema. Isto é o que se infire dos últimos movimentos, frenéticos, producidos en Monte Pío. Non sen debate interno, finalmente Feixoo adianta o seu retorno a Galiza dos EUA e estará o domingo na manifestación das dereitas españolas (PP, Cs e Vox) contra o Goberno Sánchez 

A prioridade agora para Feixoo son os orzamentos e o mal trato que recibe o país. A táctica, cargar a responsabilidade no PSdeG e furar nas contradicións entre En Marea e Podemos.

Unha vez que o PPdeG votou no Parlamento galego non ficar atrás de Euskadi e Catalunya en teito competencial, En Marea, PSdeG e BNG intensifican a presión sobre o goberno Feixoo cunha batería de iniciativas para alargar o poder político do autogoberno galego.