O BNG solicitou maior compromiso orzamentario e unha unidade específica adscrita á DX de Xustiza para violencia de xénero; En Marea reprochou os recortes en partidas para combater a desigualdade das mulleres.
Feixoo reproba que ERC, EH Bildu e BNG negocien unha candidatura conxunta para as eleccións europeas de maio. Non entende o presidente da Xunta que se "xunten" formacións que representarían en Europa "o estado que queren destruír".
Ex secretario de Organización do PP, peza clave da trama Gürtel, representante da Xunta en Portos de Galiza non cesado no seu momento por Feixoo, Pablo Crespo prestou testemuño esta terza feira no congreso na comisión que investiga o financiamento irregular do partido que goberna a Xunta con maioría absoluta.
O Xacobeo de 2021 foi a grande aposta “cultural” de Alberto Núñez Feixoo no último discurso do estado da nación. Logo de anos de atonía na política cultural, agora parece fiala a un macroevento máis dirixido ás grandes cifras turísticas que á dinamización dos tecidos de base. Analistas do fenómeno temen unha nova mostra de espectáculo e desbaldimento sen apenas repercusión real na cultura de Galiza. Eis un extracto da reportaxe que publicamos ao respecto no número 318 de Sermos Galiza.
O Goberno galego ten un proxecto. E un home para levalo adiante. Un home do que non se pode prescindir. Esa é a mensaxe que deitou este domingo o presidente do Parlamento de Galiza, Miguel Santalices, nunha entrevista na SER. Santalices esqueceu o seu rol institucional e vestiu en todo momento a camisola de dirixente do PP.
Feixoo en estado puro no debate do estado da nación. Abalou entre o xestor tecnocrático, sempre cómodo na guerra de cifras coa oposición, e o político duro na descualificación do adversario, con especial saña con Luís Villares. Nunha conxuntura política como a actual, coa cuestión territorial a determinar a axenda no estado, Feixoo non fixo ningunha proposta para o afortalamento do autogoberno do país. Non hai posición galega á vista no debate en curso en España
Núñez Feixoo anuncia menos impostos e menos débeda para 2019 e fai un repaso dos seus anos de xestión próximo ao triunfalismo. O seu discurso abalou entre o xefe da oposición a Pedro Sánchez ou o ariete da “España constitucional” contra os independentistas.
A enxurrada de indignación e críticas que recibiu o presidente da Xunta por se referir a pasada cuarta feira á Derradeira leición do mestre sen mencionar nin a represión fascista nin o asasinato de Alexandre Bóveda tiveron, polo menos, un efecto. Feixoo recuou e, na inauguración da mostra Castelao Maxistral, falou de “barbarie” e de “asasinatos atroces” como o de Bóveda.
A marcha dos conselleiros José Manuel Rey e Bea Mato para concorrer nas municipais de Ferrol e A Coruña abre a porta a mudanzas no executivo: novas caras e reestruturación de consellarías.
O acelerado xiro do PP galego no que respecta á AP-9 confírmase. Ao final do Consello da Xunta desta quinta feira, Alberto Núñez Feixóo afirmou que o seu partido “debería votar no Congreso a prol do traspaso” da infraestrutura.
O Partido Popular non acaba de suturar as feridas do seu último congreso. Á primeira Xunta Directiva de Pablo Casado, elixido presidente da principal organización da dereita estatal despois de se impoñer a Soraya Sáenz de Santamaría nun proceso de semi primarias, faltaron varios importantes dirixentes, Entre eles a propia Sáez de Santamaría ou Alberto Núñez Feixóo.
![[Imaxe: SG] A AP-9 ao seu paso polo concello de Redondela](/asset/zoomcrop,768,432,center,center/media/nosdiario/images/2018/09/19/2018091916462522393.jpg)
