Feixóo renuncia a competir pola sucesión de Raxoi
O suspenso durou menos do previsto e Feixóo compareceu esta segunda feira, nun acto partidario convocado de urxencia nos xardíns dun hotel compostelán, para anunciar que non vai competir pola sucesión de Raxoi. Feixóo reiterou por enésima vez que o seu primeiro compromiso é con Galiza. Ao facerse a un lado, emerxerá con seguranza a candidatura de María Dolores de Cospedal, a secretaria xeral do PP. En teoría, Feixóo garantirá os votos galegos a Cospedal para impedir que chegue á presidencia do partido a súa principal rival, Soraya Sáenz de Santamaría. A decisión de Feixóo frea o proceso de sucesión que se tería aberto na Galiza de ter optado a competir pola cadeira que deixou vacante Raxoi.
Recado de Casado a Feixóo: "Estiven esperando a que alguén apresentase un proxecto mellor có meu e non foi así"
A opción coa que ninguén contaba vai a por todas. "Apreséntome para gañar", dixo. Pablo Casado defínese como "o candidato dos afiliados e os militantes".
Precipítanse os acontecimentos: Feixóo despexará a incógnita ás 20 horas
[NOTICIA ACTUALIZADA] Sucédense os golpes de efeito nesta segunda feira: primeiro foi Pablo Casado ao anunciar a súa candidatura. O viceresponsábel de Comunicación do PP non estaba nas apostas. A resposta desde Monte Pío non se fixo agardar. Feixóo convocou de urxencia a xunta directiva do PPdeG ás 20 horas para esta mesma segunda feira. Nesa reunión despexará a incógnita sobre se concorre ou non ao congreso de elección do relevo de Raxoi. As fontes do PP consultadas por Sermos afirman que esa convocatoria xa estaba prevista -aínda que non fora feita pública- e, portanto, deslígana do anuncio de Pablo Casado.
A oposición avisa da “interinidade” de Feixóo
O tantas veces adiado salto de Alberto Núñez Feixóo á política estatal sofre de estrés despois da caída do Goberno do PP e a inmediata dimisión de Raxoi. Se o presidente da Xunta adoitou conducirse ao longo destes anos de acordo aos intereses de Madrid, parece chegado o seu intre decisivo. A oposición parlamentaria advirte da “interinidade” de Feixóo e a parálise do seu Executivo.
Feixóo ten 15 días de prazo para apresentar a súa candidatura
Xa hai data para o congreso extraordinario do partido que elixirá o novo rosto da dereita española, o relevo de Mariano Raxoi ao fronte da formación política con máis escanos no Congreso e que goberna con maioría absoluta na Galiza. Serán os días 20 e 21 de xullo. Así o decidiu esta segunda feira a Xunta Directiva Nacional do partido conservador. Ábrese agora un prazo de 15 días para se postularen as persoas que aspiren ao trono que Raxoi deixa vacante.
Veredicto unánime na prensa conservadora: Feixóo será o relevo de Raxoi
La Razón -rotativo moi próximo a Raxoi- titula esta cuarta feira: "A cúpula traballará para haber unha lista única ao Congreso", unha información que ilustra con foto de Feixóo. Mentres tanto, Soraya Sáenz de Santamaría e María Dolores de Cospedal meditan se dar o paso de se postular na carreira pola sucesión de Raxoi ou se abrazar o consenso arredor do aínda presidente da Xunta.
Feixóo fai saber que está disposto a liderar o PP
Horas antes de se realizar esta terza feira o Comité Executivo do seu partido, Feixóo lanza os seus primeiros sinais. Está disposto a abandonar a Xunta e a aterrar en Madrid. Segundo fontes próximas a el consultadas por Radio Galicia-SER, só pon unha condición: que exista suficiente consenso arredor del.
Feixóo aplica os códigos do PP e opta por fechar filas con Raxoi
O seu discurso é o de que non será o "Xudas" de Raxoi. Está na corda bamba o presidente do goberno após a sentenza da Gürtel e nas vésperas da moción de censura? A esta pergunta dos meios, Feixóo contestou esta terza feira: "Ao contrario".
Unha fusión sen ninguén ao volante
A falsa auditoría de KPMG das caixas galegas ispe a xestión de Alberto Núñez Feixóo no proceso que deu a pistolada de saída ao esmiuzamento do sistema financeiro galego. Eis un extracto da reportaxe publicada no número 297 de Sermos Galiza.
Feixóo, moita viaxe e pouco rendemento
A última viaxe internacional de Feixóo, a México, foi posta en cuestión pola oposición, que ve máis unha vez na axenda internacional do presidente pouca rendibilidade para o país, tanto en termos políticos como económicos. A isto hai que engadir o ocultimo que practica o goberno sobre custo e transfondo destes periplos. Eis un extracto da reportaxe publicada ao respecto no Sermos Galiza 296.
Feixóo, a derradeira baza do PP?
Para importantes sectores do conservadorismo español, Alberto Núñez Feixóo representa a última esperanza. Cun PP ao que moitos analistas consideran en fase implosiva e a nova dereita dura de Ciudadanos á alza, o aínda presidente da Xunta intensifica a súa tendencia a se deixar ver en Madrid. A estrondosa caída de Cristina Cifuentes parece despexarlle o camiño. Xornalistas e opinadores radicados na capital do Reino de España expoñen as súas consideracións sobre o relevo no partido de Raxoi. Un avanzo da reportaxe publicado no semanario #Sermos295
Feixóo, sobre por que tan pouca mocidade fala galego: “Ficaron fartos da política lingüística do BNG”
O presidente presume da vitalidade do galego e as nacionalistas lémbranlle os estudos e informes que indican a grave perda de falantes: “En materia lingüística vostede é un retroceso a respecto dos gobernos de Fraga”.