Alberto Núñez Feixoo

Último pleno antes do Día das Letras Galegas e Núñez Feixoo volveu falar de “imposición” para se referir ao galego. Fíxoo en resposta á pregunta do BNG na sesión de control, en que a súa portavoz, Ana Pontón, resumiu dez anos de política lingüística do Partido Popular: “Vostede foi o presidente que máis atacou a lingua propia”.
 

Os presidentes do Partido Popular e do PPdeG, Pablo Casado e Alberto Núñez Feixoo, respectivamente, acudiron hoxe á romaría do Pino para pedirlle ao electorado de centro-dereita que apoie o seu partido para frear a Sánchez. 

Alberto Núñez Feixoo saíu de novo en defensa do director xeral de Enerxía e Minas, Ángel Bernardo Tahoces, e afirmou que ten o seu apoio porque leva confiando nel moitos anos.

Cun audiovisual as Xuventudes Socialistas de Galicia quixeron denunciar a coincidencia de posicionamentos entre Feixoo e Vox, ao opoñérense ambos nos parlamentos galego e andaluz á gratuidade das primeiras matrículas universitarias.

Novo cambio de marcha de Alberto Núñez Feixoo. O dirixente que lle emprestou apoio e compromisarios a Pablo Casado cando este recuperou o aznarismo para loitar pola presidencia do PP aparece agora como conspicuo centrista. O mesmo que acompañou en silencio a deriva extremista da campaña das Xerais é agora crítico co “posicionamento político” da organización.
 

Após a perda da hexemonía do PP no 28A e de que o presidente da Xunta solicitase abrir o partido, desde o PSdeG sinalan a Feixoo como un dos responsábeis da viraxe cara á ultradereita.

Un dos brazos máis fortes dos gobernos de Fraga, Juan Miguel Diz Guedes, anunciou a súa candidatura á alcaldía de Tui por Ciudadanos. O histórico militante do PP, que chegou a ser conselleiro tres veces con Manuel Fraga así como delegado do Goberno en Galiza, rivalizará agora co PP nas locais de maio.

A situación pola que atravesa a CRTVG e que os Venres Negros están a denunciar as traballadoras e traballadores no referido á censura e manipulación estalou hoxe no Parlamento na pregunta oral formulada por Ana Pontón ao presidente da Xunta. A nacionalista acusouno de converter os medios públicos no seu gabinete de propaganda.

O Partido Popular perdeu no 28A a súa hexemonía en toda Galiza, despedíndose da maioría absoluta en 108 concellos e deixando atrás a súa condición de forza máis votada.

O presidente da Xunta e do PP achaca a importante queda do Partido Popular na Galiza, 13 puntos, á “división do voto da dereita” e pide que iso non “volva pasar” nas municipais. “Cos votos de Vox na Galiza gañariamos ao PSOE”. Feixoo manda tamén unha mensaxe a navegantes: "En Galiza votouse 11 puntos máis ao PP". 

O presidente da Xunta viaxa a Madrid para arroupar a Casado no peche de campaña e o PP non fai acto final en Galiza.

O presidente da Xunta chamou desde o mitin de Ourense a militancia e cargos de Ciudadanos e Vox a votar o Partido Popular para garantir unha maioría que apoie o 155.

A Semana Santa discorre no medio da campaña das xerais máis tensa e mediática dos últimos anos. Unha mestura de relixión, institucións e votos na que Feixoo resulta galardoado pola Confraría das Dores. Ademais, as redes sociais énchense de fotos de alcaldábeis do PP desfilando en procesións.

O presidente da Xunta, Alberto Núñez Feixoo, considera que o momento non é o “oportuno” para Galiza solicitar ao Estado que se transfiran competencias, debido ao auxe do independentismo.

​

As transferencias, a ollos do presidente da Xunta, Alberto Núñez Feixoo, non son prioritarias. Sinala que a “inmensa maioría” das transferencias que recolle a constitución “xa están feitas”, cando a realidade amosa o contrario. Galiza segue sen contar con competencias en tráfico ou seguridade marítima, entre outras.

Unha semana despois do incendio que arrasou máis de 1.100 hectáreas Núñez Feixoo acudiu a este concello para participar nun mitin do PP. Un grupo de veciños e veciñas concentráronse para lembrarlle as consecuencias da  política forestal do seu goberno

O presidente da Xunta, Alberto Núñez Feixoo, sinala que a decisión de Milagros Otero, valedora do pobo, de poñer o seu cargo a disposición do Parlamento “hónraa”, mais deféndea e di que “non asinou” o nomeamento da irmá de Pedro Puy, portavoz do PP no Parlamento de Galiza.

O presidente agarda que “aclaren posíbeis sospeitas que hai” sobre as persoas detidas na operación, acusadas de traer mulleres de Paraguai para obrigalas a exercer a prostitución. A Policía considera Pérez Miramontes, que dirixira o sindicato agrario próximo ao PP, líder da rede de trata. 

Na sesión do Parlamento, que terá lugar o vindeiro 9 e 10 de abril, a oposición denunciará o desmantelamento da sanidade pública e o PP voltará defender a permanencia de Ence na ría de Pontevedra.  

Paula Prado cualifica de “interferencia partidista” a actuación da Avogacía do Estado sobre Ence.