animais

A bubela é probabelmente unha das aves estivais máis facilmente recoñecíbeis polas súas cores, voo característico e un canto inconfundíbel que dá orixe ao seu nome. Paxaro insectívoro, é un aliado das labregas e labregos capturando baixo terra co seu peteiro multitude de presas, unha habilidade especial que lle facilita un alimento ao que outras moitas especies non conseguen acceder.

Cos seus mil setecentos quilómetros de costa, a Galiza é un paraíso para as gaivotas. A patiamarela é de todas elas a máis estendida e podemos atopala por todo o litoral pero tamén en vilas e cidades do interior do país. A súa determinación á hora de defender o seu niño tenlle causado conflitos cando convive cos humanos. A pesar do seu número, e aínda que sexa difícil de crer, está en regresión desde hai uns anos.

A píllara das dunas non é unha das nosas aves máis cotiás, xa que só está presente nalgunhas zonas do noso litoral, pero considerabamos de interese recollela como representante das limícolas. É unha das nosas aves máis ameazadas con apenas noventa parellas nidificantes en areais moi localizados, aínda que durante o inverno recibimos a visita de exemplares foráneos que veñen pasar o inverno.

Quen non ten paseado por un prado na primavera tendo enriba varias lavercas que semellan estar a discutir sobre cuestións referidas ao seu territorio ou asuntos que se escapan ao noso entendemento? Representantes dunha familia que na Galiza inclúe outras tres especies que se denominan aláudidos, as lavercas son as que máis se fan notar e das que seguramente temos maiores referencias na cultura popular. Porén, como sucedeu noutros territorios de Europa, a súa poboación vai a menos. Quen sabe se neses balbordos que escoitamos aló no alto, mentres voan, están a falar do mal que os humanos estamos a provocar no medio ambiente.

Non podía faltar nun repaso ás nosas aves máis comúns unha representación da familia dos patos ou parrulos, lugar que ben merece o lavanco real, anátido amplamente distribuído e asociado a case calquera masa de auga, desde unha pequena poza a grandes encoros ou rías. Contamos na Galiza con lavancos reais residentes pero tamén cunha importante cantidade de exemplares que veñen pasar o inverno de Europa.

O pombo é da familia Colúmbidos, na que se inclúen tamén pombas e rulas, o de maior tamaño de Europa, facilmente recoñecíbel pola súa cor gris e as manchas do pescozo brancas e azuis e as bandas transversais brancas das ás ben visíbeis en voo. Aínda que nos parques das vilas e cidades semella unha ave mansa e confiada no medio natural, é tímida e fuxidía, o que non é de estrañar xa que é unha especie cinexética da que cada ano se abaten milleiros de exemplares.

"Eu quixera ser merliño e ter o bico encarnado"... é o comezo da popular canción 'O Sancristán de Coimbra' tantas veces cantada ou cando menos escoitada. Non son poucos os contos dos nosos maiores que narran as saídas á procura de niños dos merlos, e multitude de refráns, ditos e poemas os que levan por protagonista unha das nosas especies máis comúns e recoñecíbeis. Ademais de na cultura, está presente nos campos e hortas das aldeas así como nos xardíns e parques de vilas e cidades. Desde finais de inverno acompáñanos co seu canto ao longo de todo o país.

Movendo a cola nerviosa arriba e abaixo a lavandeira branca percorre ríos e regatos de todo o país e tamén praias, parques de vilas e cidades e mesmo podemos atopalas nas beirarrúas da AP-9 ou de calquera estrada. Unha camiñante incansábel sempre á procura de insectos dos que dá boa conta. Nos medios máis humanizados permítenos achegarnos o suficiente como para estudar as súas características e poder diferencialas das súas dúas parentes, a lavandeira real e a marela das que tamén imos falar.

Esta promovida polos colectivos 'Abeiro' e 'Vacaloura', e conta co apoio de Adega e AGA.

O Goberno estatal aproba esta sexta feira perante un Consello de Ministras extraordinario a norma, que implicará considerábeis mudanzas na cría de animais e os dereitos dos mesmos no eido doméstico. A lei será sometida posteriormente ao trámite parlamentario.

A Eurocámara aproba unha batería de recomendacións para reforzar a protección animal na UE.

O pasado 5 de xaneiro entrou en vigor a Lei 17/2021 que modifica o Código Civil, a lei hipotecaria e a Lei de Axuizamento Civil no que afecta o réxime xurídico dos animais. Nós Diario fala coa voceira da protectora 'Os Palleiros' de Pontevedra sobre ela e a situación desta entidade de acollida e adopción de cans abandonados.

As probas de pombas mensaxeiras teñen moito de paixón. Non é un deporte coñecido agás en casos como a recente perda de milleiros de animais que remataron a súa viaxe na Galiza cando a súa meta estaba no Porto. Nós Diario quixo saber algo máis desta práctica da man do presidente da súa federación.

Concienciación e negocio van da man no último nicho de mercado a explotar polo márketing futbolístico: os animais de compañía. 
 

Culleredo acolleu un proxecto piloto no que escolares con algún tipo de déficit na dicción, comprensión lectora e problemas de autoestima recibiron axuda de Nora e Dana, unha can Golden e unha Boxer.

O lobo que apareceu nunha casa abandonada en Cuntis, en avanzado estado de desnutrición, morreu no centro de recuperación de Cerdedo-Cotobade día e medio despois de ser atopado.

Nas costas da Galiza por volta duns 280 mamíferos mariños varan cada ano.

As asociacións Os Biosbardos, Amigos da Canceira de Ordes e Progape de Ourense fan saber a Nós Diario como axudan dentro das súas posibilidades a que “os peludos non pasen tanto frío”. 

Moitas especies que hoxe existen, mañá poderían non facelo. A perda da biodiversidade é outra das grandes amezas que en materia ecolóxica afronta o planeta, con especial impacto a nivel local. As causas da diminución das poboacións son case sempre a acción humana, a través de diferentes manifestacións, especialmente co incremento da temperatura global. Ofrecemos un repaso dalgunhas destas especies en perigo de extinción na Galiza, que, de seguirmos a tendencia actual, poderían converterse axiña en pouco máis que carne de lembranza.