Máis de 37.000 persoas ateigaron o centro da cidade nunha mobilización "pola dignidade da Atención Primaria" que deveu nunha emenda multitudinaria á política sanitaria dos gobernos de Núñez Feixoo. O presidente, porén, fala de mobilización "politizada". Xa hai anunciada unha nova manifestación, para o 24 de xaneiro.
A pasada semana máis dunha vintena de xefes de servizo dos centros de saúde da área metropolitana de Vigo anunciaron a súa dimisión por diversos motivos que expuseron nun escrito conxunto asinado.
![[Imaxe: Redacción Médica] Manuel Martín](/asset/zoomcrop,480,270,center,center/media/nosdiario/images/2018/09/22/2018092216160561524.jpg)
Manuel Martín, médico de Atención Primaria e portavoz da plataforma SOS Sanidade Pública, radiografía nesta entrevista concedida a Sermos Galiza os motivos dos atrasos na expedición de citas médicas, das demoras excesivas nas salas de espera dos centros de saúde ou do estado de saturación que padece o persoal facultativo. Centra a súa crítica no Goberno de Alberto Núñez Feixóo, a quen acusa de recortar orzamentos na sanidade pública e de favorecer a sanidade privada.
A maioría conservadora opúxose esta terza feira no Parlamento galego a dotar de máis orzamento a atención primaria. O PP rexeitou unha proposición de lei do BNG que si foi votada favorabelmente por En Marea e PSdeG. O Bloque propuña actuar sobre os impostos para lidar cunha "situación de emerxencia", a dunha atención primaria que, en palabras de Montse Prado, "é o ámbito da sanidade pública que máis ten sofrido os recortes".
