Non haberá lista unitaria de país que vaia desde a CUP até o PDeCAT. ERC propón como alternativa unha "fronte común programática" desde opcións eleitorais distintas.
O litixio entre Catalunya e o Estado non vai rematar coa entrega ou non de Puigdemont e os 4 consellers ás autoridades españolas. O president anunciou esta terza feira, nunha entrevista en Catalunya Radio, que o Govern recorrerá á xustiza internacional para denunciar o "golpe de Estado ilegal" perpetrado contra as institucións catalás. "Iremos aos tribunais internacionais e España pasará vergoña", di o dirixente independentista, quen se postula como candidato ás eleccións do 21 de decembro.
17 de novembro (14 h). Ese día está axendada a primeira vista do proceso sobre a petición española a Bélxica para a extradición de Puigdemont e os 4 membros do Govern que o acompañan. Será nun tribunal de primeira instancia belga e, portanto, contra unha eventual resolución favorábel a Madrid sempre caberían recursos que poderían estender o procedimento durante no mínimo dous meses máis.
O xuíz debía decidir este domingo se os deixaba en liberdade ou se lles aplicaba prisión preventiva como medida cautelar. Optou pola decisión máis favorábel para Puigdemont e os consellers.
Pésimas noticias para a estratexia española sobre Catalunya: este domingo, as principais forzas políticas belgas -quer as da oposición quer as do goberno- criticaron a focaxe represiva coa que desde Madrid se está a tratar a cuestión catalá.
O sindicato independentista CSC chama a unha folga xeral o próximo día 8 en Catalunya como resposta "ao empobrecemento da clase traballadora". Para ese mesmo día, cuarta feira, a ANC e Òmnium Cultural convocaron un "paro de país" reclamando á liberación dos dirixentes sociais e políticos que o Estado fixo presos.
Con esta decisión fican definitivamente fóra de toda opción de participar na campaña eleitoral, embora si poderían ser candidatos. Todo indica que a resolución da AN preanuncia a que tomarán perante os recursos de Junqueras e os 7 consellers.
BNG -a meio dun comunicado da súa executiva- e En Marea -a meio dun comunicado de imprensa- fixaron posición esta quinta feira após o ingreso en prisión do vicepresident Junqueras e de 7 dos seus conselleiros.
A decisión é de Institucións Penitenciarias, isto é, é unha decisión directamente política.
A xuíza da Audiencia Nacional Carme Lamela aceita a petición da fiscalía e ordena prisión incondicional para o vicepresident e 7 consellers baixo os cargos de rebelión e sedición. A nómina de presos políticos ascende neste momento a 10, sendo que desde 16 de outubro están na cadea Jordi Sànchez e Jordi Cuixart, líderes de ANC e Òmnium Cultural.
O Govern de Puigdemont é o executivo lexítimo de Catalunya embora ter sido destituído a pasada sexta feira por un decreto do Goberno español. Así o proclama o pleno do concello de Barcelona.
A xuíza terá de decidir se aceita a petición do Ministerio Público, cousa que si fixo no caso dos Jordis. Todos os membros do Govern, menos o demisionario Santi Vila (non partidario da DUI), están no albo de José Manuel Maza. Mentres, o Supremo suspende a declaración dos membros da Mesa do Parlament e decreta a súa vixilancia policial.
