CIG

Cando a matrícula ordinaria dos centros de secundaria, e polo tanto a elección de materias por parte do alumnado xa está pechada, chegan as novas instrucións desde a Consellaría de Cultura, Educación e Ordenación Universitaria para o vindeiro curso académico e continúa a polémica situación de exclusión da lingua galega.

Após da primeira homenaxe popular ás vítimas do réxime franquista, na que se presentou o documental ‘Causa 1.021’, realizada no ano 2011 e a segunda celebrada hai dous anos, na que se fixo pública unha lista de máis de 400 represariados entre os que se atopaba o alcalde de Verín en 1936; a Unión Local da CIG de Verín e A Limia organiza a III Homenaxe ás vítimas do Franquismo na Comarca de Monterrei a vindeira fin de semana.

Ducias de delegados da CIG  protagonizaron a acción para exixir da UTE Dragados-Grupo Puentes que cumpra as condicións laborais de seguridade. Forzaron unha reunión cos responsábeis e obtiveron o compromiso de que se traballarán oito horas e que o pago de salarios será mensal e por nómina

Na medianoite desta segunda feira comeza unha nova xornada de greve de transporte de viaxeiros por estrada que liga cunha chamada para ser indefinida a partir da quinta feira. Falamos con Xesús Pastoriza responsábel de transportes da CIG, sobre un conflito que vai alén dos seus 7.000 traballadores.

Recollidas polo colectivo de xubilados e pensionistas de CIG, que esta cuarta feira foron rexistradas no Parlamento de Galiza.

O secretario xeral da central nacionalista, Paulo Carril, salientou “a demostración de forza” que supón a celebración simultánea das sete asembleas onde se concentrou "o máis comprometido e capaz do sindicalismo combativo e de clase que representamos”.

A elección da nova Executiva Confederal da CIG e de Paulo Carril como novo secretario xeral da CIG, en substitución de Suso Seixo, puxo fin ao VII Congreso Confederal, que concluíu o proceso de renovación de cargos e aprobou a folla de ruta que guiará a acción sindical no período que enceta este domingo.

O sábado á mañá arrincou o VII Congreso da CIG, que ten lugar en Compostela baixo o lema “Coa CIG somos máis fortes”. Fíxoo coa presentación do Informe de Xestión, que correu a cargo do secretario xeral, Suso Seixo, e que foi aprobado co voto favorábel da práctica totalidade das persoas asistentes (458 votos), ningún en contra e 3 abstencións.

Suso Seixo deixa a secretaría xeral da CIG, após 16 anos exercendo esta responsabilidade, para pasar o relevo a Paulo Carril, actual secretario de Organización e que encabeza a candidatura de consenso no VII Congreso da central nacionalista que decorre esta fin de semana en Compostela.

A Confederación Intersindical Galega realiza 27 e 28 de maio o seu VII Congreso, en Compostela, baixo o lema Coa CIG somos máis fortes. Participarán no mesmo máis de 700 delegados, que elixirán á nova Executiva Confederal e acordarán as liñas de traballo que rexerán a acción sindical no vindeiro período. Carril, secretario de Organización, encabeza a candidatura unitaria.

O sindicato denuncia que a Consellería de Economía non fixo as convocatorias 2015/16 e 1016/17 de formación continua para ocupados e exixe que se aclare onde van os 9 millóns de euros correspondentes aos mesmos.

Coincidindo co Día Mundial da Seguridade e Saúde no Traballo, a CIT e a CGT saíron á rúa na sexta feira para denunciar a precarización do emprego e os recortes de persoal no servizo de limpeza das instalacións de PSA Peugeot Citroën en Vigo, que xestiona a empresa Clece.

A central nacionalista reclama que se investiga se houbo “unha trama” para ocultar a situación de insolvencia da entidade financeira e que serviu para avalar a emisión de preferentes. 

Concentráronse en diversas cidades do país convocados pola CIG. En Vigo ocuparon momentaneamente a sede do INSS.

A loita contra os abusos laborais en Mercadona levou María López a recibir, a mans da CIG, o Premio 8 de Marzo, “por non dubidar en ningún momento en exercer os seus dereitos como traballadora e por defender as súas compañeiras fronte aos abusos da dirección da empresa”.