contaminación

A Audiencia Nacional acaba de desestimar o recurso interposto pola Asociación pola Defensa da Ría de Pontevedra (APDR) contra a resolución na que o Ministerio de Medio Ambiente declarou a caducidade parcial da concesión de ocupación dos terreos de dominio público marítimo terrestre onde se asenta a fábrica de Ence de Lourizán, Pontevedra, emitida en 2015 e ratificada en 2016. 

Arredor de oito millóns de toneladas de plástico acaban no océano anualmente. A comunidade científica calcula que en 20 anos nos mares do mundo haberá menos peixes que plástico. Mais o que abrolla á superficie tan só representa 1% do total: o restante xa é unha partícula de sedimento máis.

As medidas de restrición da circulación derivadas do vixente estado de alarma provocaron entre os días 14 e 31 de marzo o desplome do dióxido de nitróxeno. Na Coruña a diminución foi de 56%, mentres que en Vigo chegou a 60%.

 

Un integrante do Movemento Ecoloxista da Limia foi denunciado polo Grupo Coren, que o acusa dunha intromisión ao honor por unhas declaracións nun programa de televisión. Este colectivo denuncia desde hai anos o impacto negativo da gandaría intensiva na comarca e a contaminación que provocou nas augas. 

O ambientalismo demanda fomentar os camiños de ferro para reducir as emisións contaminantes. 

Ecoloxistas en Acción Galiza alerta dos efectos contaminantes que terá o túnel que o Concello de Vigo comezou a construír para soterrar o tráfico do centro histórico a través dun túnel entre as rúas Policarpo Sanz e en Elduayen. Advirte que a remodelación da Porta do Sol "non preserva o centro da cidade do tráfico de vehículos para estabelecer zonas libres de emisións, senón que vai acadar o efecto totalmente contrario".

A Sociedade Galega de Historia Natural publica os datos de análises realizadas nos últimos cinco anos nos sistemas de abastecemento da chaira da Limia. Algúns dos puntos exceden o "límite legal" de nitratos.

Após os casos de listeriose acontecidos en varios puntos de Andalucía e un caso rexistrado en Estremadura debido ao consumo da carne mechada da empresa La Mechá, o ministerio de Sanidade decretou a alerta sanitaria no Estado e tamén na Galiza.

A plataforma cidadá Auga limpa xa! vén de denunciar as coaccións e insultos que sufriron varios dos seus membros en Xinzo por parte dun cento veciños supostamente alentados por entidades e empresas cárnicas. Os feitos producíronse debido a que cinco persoas de Auga limpa xa! estaban a recoller firmas no marco dunha campaña informativa e de suma de apoios contra a contaminación das augas por mor dos residuos da industria cárnica.

O verán é unha das mellores épocas do ano para observar as estrelas xa que o ceo adoita estar menos nubrado. De feito, en moi poucos días poderanse ver as Perseidas, tamén chamadas bágoas de San Lourenzo. Sermos Galiza conversa co membro da Agrupación Astronómica Ío, Martin Pawley, sobre as mellores horas e lugares para observar este fenómeno así como os perigos que entraña a contaminación luminosa.

A asociación cualifica de ineficaces as medidas da Administración así como de incomprensíbeis os vertidos das empresas ao río. Ademais, denuncia que non é a primeira vez que ocorre.

 

Ecologistas en Acción estudou os niveis diarios desas partículas nas cidades do Estado entre 18 e 24 de febreiro e pide que se fixen restricións temporais ao tráfico motorizado cando se dean este tipo de situacións.

Explotaciones Gallegas, S.L., que desde hai anos extrae áridos da vella mina de Touro, propón suprimir os ríos para acabar coa contaminación dos cursos fluviais causados polos lixiviados da antiga explotación. Denúnciao a Asociación Ecoloxista ADEGA, que cualifica de “delirante” este último capítulo no “culebrón mineiro de Touro”.

Vivíronse momentos de tensión no transcurso da reunión da Comisión de Peticións da Unión Europea, a pasada segunda feira 21 de xaneiro, na que se levou a debate a contaminación das Rías do Burgo e Vigo. Xosé Blanco, eurodeputado do PSOE e ex ministro de Fomento, cuestionou a capacidade dos peticionarios para xulgar determinadas condicións técnicas da depuradora de Vigo. Sermos Galiza asistiu á sesión en Bruxelas.

A Comisión de Peticións do Parlamento Europeo decidiu esta segunda feira 21 de xaneiro reabrir o expediente do saneamento das rías do Burgo e Vigo após escoitar ao patrón maior da ría da Coruña e o presidente da Plataforma en Defensa da Ría de Vigo.