cultura

A Asociación de Escritoras e Escritores e Lingua Galega (AELG) organiza o ciclo de literatura infantil e xuvenil que leva por lema “Música e poesía desde a primeira infancia” e que comezará esta cuarta feira en Ourense. Conversamos con Isabel Mociño, profesora da Universidade de Vigo e coordinadora das xornadas.

Unha iniciativa do concello rianxeiro recompila a través dun traballo de campo as nanas que se cantaban no municipio para preservalas, recuperalas e dalas a coñecer, entre outras vías, a través das redes sociais. 

Unha historia sobre unha Galiza independente con colonias de ultramar vén de gañar o Premio de Narrativa Breve Repsol 2016. E o seu autor é Daniel Asorey, un profesor de ensino medio que salta deste xeito á palestra da literatura galega cunha novela ucrónica, ‘Nordeste’, que fabula a partir dunha Revolución Irmandiña que triunfou. 

Ruxe Ruxe cumpre 20 anos e celébrao con novo disco que está a piques de saír do forno, ’20 segundos’. Mentres, van publicando cancións-pílulas en forma de videoclip e avisan a navegantes: non van parar de facer cancións até a fin dos tempos.

O cineasta Jorge Coira abandonou as pantallas por uns meses para dedicarse a dirixir a súa primeira obra de teatro: ‘Get back’, unha comedia dramática sobre uns galegos en Londres. Con idea de Camilo Franco e texto de Diego Ameixeiras, o espectáculo estréase o 23 de setembro en Narón cun elenco tamén de luxo: Morris, Federico Pérez, Tamara Canosa, Miguel Guido e Mercedes Castro.

Esta fin de semana ten lugar en Rianxo, dentro das Festas da Guadalupe, o Festival Tosta que celebra a diversidade lingüística e cultural europea. E alí poderemos ver a Xurxo Souto, Quico Cadaval, Guadi Galego, De Vacas, Fran Amil e a Tribo Incomprensíbel... ademais da plurilingüe Banda Tosta e os vascos Oreka TX. 

O 2 de outubro estrearase no Raindance Film Festival de Londres ‘Sísifo confuso. Traballos e días de Francisco Leiro’, un documental asinado por Aser Álvarez, quen durante tres anos foi testemuña privilexiada do proceso de creación dun dos artistas galegos máis internacionais.

Após recalar en Escocia, Gales, Frisia, Irlanda e Cornualles o Festival  Tosta chega a Galiza cun amplo programa de concertos e actividades os días 9, 10 e 11 deste mes, coincidindo coas rianxeiras Festas da Guadalupe.

Durante a fin de semana do 1 ao 4 de setembro do 2016 celébrase en San Sadurniño a 3ª edición da Chanfaina’Lab, unha experiencia de creación audiovisual colectiva que tenta poñer en valor o territorio do Concello a través dos ollos de creadores e creadoras do audiovisual galego. 

Tosta, un proxecto europeo que promove as linguas e culturas minorizadas, chega a Rianxo en forma de festival coincidindo coas súas festas máis grandes, a Guadalupe.

O Parque Arqueolóxico de Campo Lameiro volve celebrar, logo do éxito acadado, ao longo de todo o mes máis ‘Noitepedras Astronómico’ arredor dos petróglifos e as constelacións. Unha actividade impartida por Benito Vilas, experto en astronomía cultural e autor de varias publicacións no eido da arqueoastronomía e megalitismo.

Os modos de facer do mundo do emprendemento tamén está a chegar á cultura. Esta sexta feira celébrase en Noia o ‘Demo-day’, un evento no que se presentarán 7 dos 21 proxectos culturais que se crearon durante o programa de formación posto en marcha pola Fundación Paideia e a EOI. E un festival na comarca.

O Sindicato da Noite presenta esta noite en Redondela o seu primeiro disco, liderado polo contrabaixista cubano José Manuel Díaz, que se pon por primeira vez aos mandos dun novo proxecto logo de colaborar con Frank Delgado, Marful, Alba María ou Guadi Galego.

Unha ducia de embarcacións volveron recuperar o roteiro tradicional da man da iniciativa 'Que inchadiña branca vela', organizada pola ACD Dorna e a Fundación Rosalía de Castro.

Leo Bassi regresa a Galiza para participar no Festiclown, que terá lugar do 12 ao 17 de agosto en Vilagarcía, onde compartirá protagonismo con outros cómicos do mundo: Pepe Viyuela, Vanessa Rivas, Javi Javichy, Pallasos en Rebeldía... 

Non todo é música nos festivais do verán. Por segundo ano consecutivo celébrase no Courel o Festival dos Eidos, un festival literario que se celebra esta fin de semana organizado pola Fundación Uxío Novoneyra. 

Logo de publicar un novo disco, ‘Para unha vez que saímos’, a banda de rock’n’roll de Sigüeiro non para o cú quieto entre festival e festival (o próximo, o Revenidas). Falamos con Manuele Caamagno, voz e saxo desta formación.