cultura

O prazo para presentar filmes á Mostra de Cinema Etnográfico do Museo do Pobo Galego está aberto. Desde o 7 de novembro até o 8 de xaneiro, a organización recibirá as pezas das que sairán as que vaian a concurso na Sección Oficial da XV edición do certame.

O Festival de Artes Pola Inclusión Cultural da Coruña volve un ano máis á programación cultural da Coruña co obxectivo de «favorecer a inclusión e a accesibilidade de todas as persoas con diversidade funcional, sensorial ou cognitiva na vida cultural e artística»

Unha nova edición facsimilar tirada do prelo por Alvarellos Editora e o Consorcio de Santiago permiten as lectoras e os lectores «vivir a mesma experiencia que os que gozaron da edición primeira, publicada en 1881», pois ten a mesma tipografía e o mesmo estilo de edición. 

Durante moitos meses, espertei  cedo cada día para non escribir nada. Despois tío Carlos morreu e pensei que necesitaba buscar o principio de todo isto. Así que que volvín a este cuarto de hotel. Agardaba atopalo igual que o deixara a outra vez". O primeiro parágrafo de Carrusel (Galaxia, 2019) é xa unha especie de mapa secreto para as súas 121 páxinas. Así, no último libro de Berta Dávila (Compostela, 1987) hai un complexo xogo de tempos narrativos, certo enfrontamento coa finitude, a vontade de escribir contra vento e maré e a imposibilidade case física de facelo, tabús que se veñen abaixo, o outro como liberación e ás veces condena.

Dous discos galegos e en lingua  galega figuran na listaxe das mellores 50 gravacións estatais da década que agora remata. Trátase de Agricultura livre (2015), do ourensán Emilio José, no posto 32; e mais de Os corenta e oito nomes do inimigo (2016), unha das partes do díptico de Malandrómeda, dúo hip hop compostelán, no 37. O ránking vén de publicalo no seu número de novembro unha das publicacións de maior prestixio e veteranía da prensa musical pop do Estado, a catalá Rockdelux. O número especial da revista, de periodicidade mensual, conmemora 35 anos nos quioscos.

É unha das máis veteranas bandas en activo da música galega e en galego, ao bordo das dúas décadas. A súa proposta é cadora máis mestiza: pop, soul, incursións na cumbia, trazos dub, algún ritmo krautrock. Ataque Escampe erán as representantes da Galiza no festival Suns Europe das artes en linguas minorizadas, que este ano decorrerá no Friuli entre o 15 e o 30 de novembro.

Non atravesa o escritor William Somerset Maughan os seus intres de maior popularidade. E, porén, nun tempo foi sen dúbida un dos autores máis célebres e celebrados do mundo. A súa extensa obra, 21 novelas e máis dun cento de relatos, estaba inédita en galego. A editorial Hugin e Munin publica agora a versión galega de A lúa e seis peniques, un dos seus títulos de referencia.

O colofón da Biblia Kennicott estampouse o 24 de xullo de 1476 na Coruña. Ese día un importante comerciante xudeu, Isaac, fillo de Salomón de Braga, recolleu o seu encargo, unha das alfaias da ilustración medieval e, segundo a Xunta, “un dos manuscritos hebreos máis valiosos e fermosos do mundo”. Cincocentos anos despois regresa á Galiza dentro da exposición Galiza, un relato no mundo.

A Real Academia Galega pecha o ano Fraguas cun simposio dedicado ao etnógrafo que protagonizou o último Día das Letras Galegas. Entre o 26 e o 28 de novembro, máis de vinte especialistas afondarán na vida e na obra de Antonio Fraguas (Cotobade, 1905-Compostela, 1999). Contribúen á organización o Consello da Cultura Galega, o Museo do Pobo Galego e a fundación a nome do autor.

Tempo fósil (Chan da Pólvora, 2018) supuxo a clausura dun silencio: o dos sete anos que a poeta Pilar Pallarés pasou sen dar libro ao prelo. Testemuño dunha destrución, talvez a máis directamente política das súas obras, acaba de valerlle o Premio Nacional de Poesía do Ministerio de Cultura 2019.

Cándido e os demais levou hai practicamente un ano o premio Compostela de álbum ilustrado. A obra, escrita por Fran Pintadera e debuxada por Christian Inaraja, é agora distinguida de novo: como o libro infantil e xuvenil mellor editado no Estado en 2018 nos premios do Ministerio de Cultura.

A agrupación organiza unha homenaxe para o día 14 de decembro na Coruña.

Jules Verne estivo dúas veces en Vigo. Non por coñecidas deixan de ser estas visitas fascinantes. Pero o máis fascinante é que antes de viaxar fisicamente fíxoo nunha das súas novelas, na célebre Vinte mil leguas baixo dos mares. Xerais publica agora unha tradución da obra, con limiar da escritora Ledicia Costas.

O filme de Alberte Mera, onde se recrean os derradeiros días de vida do histórico nacionalista asasinado pola ditadura de Franco en 1975, vén de finalizar a súa gravación, coa praza de Abastos de Compostela como escenario.  

A escritora resultou agraciada pola obra titulada Plan de Rescate, protagonizada por Noela, unha rapaza de dez anos en cadeira de rodas que conta unha historia sobre os seus compañeiros de clase de apoio.

Unha acción pioneira do Concello de Nigrán permite que as persoas con xordeira e hipoacusia de toda Galiza gocen dunha forma de cultura que até o de agora non lles era accesíbel, podendo desfrutar dos concertos ao vivo grazas a unha nova tecnoloxía que transforma o son en vibracións.

O que arde, terceira longametraxe de Oliver Laxe (París, 1982), engade un novo galardón ao seu palmarés: o Premio ao Mellor Deseño de Son no Chicago Film Festival.

 

'Esca', un relato "tenebroso" e con elementos simbólicos ambientado na ría de Arousa dos anos 20, concretamente no Balneario da Toxa, foi a escollida polo xurado de entre un total de 13 obras.
 

Carlos Maside (Pontecesures, 1897-Compostela, 1958) tamén pintou en papel prensa. As principais cabeceiras do tempo anterior á Guerra Civil acolleron as súas sátiras debuxadas, as súas estampas populares, os seus retratos deformados. A Fundación Laxeiro, con sede en Vigo, inaugura este 25 de outubro unha exposición sobre as súas viñetas na prensa.