eleccións

A Organización dos Estados Americanos respondeu afirmativamente á solicitude realizada pola Administración boliviana ante as protestas da oposición pola paralización do reconto, que apuntaba unha segunda volta. Con todo, a organización panamericanista comprometeuse sempre e cando as súas conclusións sexan vinculantes. Evo Morales, que revalidaría o seu cargo tras a última actualización dos datos, denuncia que no país “está en marcha un golpe de Estado”.

Segundo os resultados provisionais, o Bloque Quebequés conseguiría o mellor resultado electoral da última década ao pasar de 10 a 32 cadeiras. O seu líder, Yves-François Blanchet, pediu esta segunda feira, 21 de outubro, “a liberación dos presos políticos cataláns”. O Partido Liberal, do actual primeiro ministro, Justin Trudeau, proclamaríase vencedor mais non chegaría á maioría absoluta.

Con case 85% do voto escrutado das eleccións presidenciais en Bolivia, o líder do Movemento ao Socialismo (MAS), aínda gañando, non chegaría á maioría absoluta (45,28%) nin obtería dez puntos máis co segundo, Carlos Mesa, do Comunidade Cidadá (38,16%). Os votos ao integrista cristián Chi Yung Chung do Partido Demócrata Cristián, terceiro con 8,77% dos votos, poderían ser decisivos na segunda volta, o 15 de decembro.

A Asemblea Nacional cubana estrea esquema de Goberno adaptado á nova Constitución e designa o sucesor de Raúl Castro (2008-2018), Miguel Díaz-Canel, como presidente da República até 2023 culminando así o seu peculiar proceso electoral.

Marcelo Rebelo de Sousa podería propoñer xa nesta terza-feira António Costa como primeiro ministro. O Livre anunciou a súa intención de negociar medidas, mais non integrar unha coalición.

Socialistas soben 20 escanos (pasan ter 106), Bloco mantense en 19 e CDU baixa a 12. A extrema dereita entra no Parlamento portugués. A abstención foi de 45%

Os últimos estudos de opinión para os comicios deste domingo recollen unha lixeira recuperación do liberal Partido Social Demócrata, que sería segundo a tan só 10 puntos. O Bloco de Esquerda sería terceiro por riba da CDU, que integran o Partido Comunista Portugués e Os Verdes.

Son as mesmas persoas que nas elección estatais do pasado mes de abril: Pilar Cancela (A Coruña), Ana Prieto (Lugo), Olga Alonso (Pontevedra), Mariña Ortega (Ourense).

Na segunda feira 23 de setembro disolveranse as Cortes e comezará un mes de pre-campaña na que a primeira disputa será por determinar quen tivo a culpa do fracaso dun goberno de esquerdas. "Os cidadáns dixeron ben claro en marzo e abril que querían un goberno progresista e agora terán que dicilo aínda máis claro en novembro", di Pedro Sánchez no seu primeiro discurso de pre-campaña desde Moncloa.

Os comicios deberán repetirse nun prazo de tres meses na mesa instalada no instituto Perdouro, na que teñen dereito a voto máis de 600 persoas.

O derradeiro recurso do PSOE de Monterroso para gañar as eleccións do pasado 26 de maio non funcionou. O Tribunal Superior de Xustiza de Galiza (TSXG) emitiu un ditame esta cuarta feira en que mantén a nulidade do voto reclamado polos socialistas e, así, dá a vitoria a Independentes. O resultado electoral final é de 799 fronte a 798 votos.

3.721 actas están en xogo nos 313 concellos galegos. Son 45 menos que nas anteriores eleccións municipais, que tiveran lugar en maio de 2015. Son 2.248.635 as persoas con dereito ao voto.

Arrincou nos tribunais federais da Arxentina o xuízo contra a ex presidenta Cristina Fernández de Kirchner, líder da oposición e candidata á vicepresidencia do país nas eleccións que se celebrarán neste ano.

26 de maio, eleccións municipais e europeas. Apenas un mes despois dun 28A que fixo abalar a hexemonía do PP na Galiza. Falamos con responsábeis das diferentes organizacións para que nos expliquen cales van ser ao seu entender as chaves dunha campaña que camiña cara ao seu ecuador. Eis un extracto da reportaxe publicada no número 346 do semanario en papel Sermos Galiza.