eleccións

Cheikh Fayé é veciño da Coruña e naceu na comunidade rural de Gade Escale, no Senegal. En 2017 publicou da man da AS-PG o seu primeiro ensaio, Ser Modou Moudou, co que se converteu no primeiro escritor senegalés en lingua galega. Traballou como profesor de Xeografía e Historia en Dakar e en 2003 chegou á Coruña. É autor do blog Senegaliza e é unha das sinaturas habituais nas columnas de opinión de Sermos Galiza.

Arrincou xa a dupla campaña electoral das europeas e municipais. As formacións políticas volven á carreira pola mobilización do voto de cara a consolidar ou corrixir os resultados obtidos hai apenas uns días nas xerais. O punto de partida presenta un PSdeG á alza ante unha dereita que rivaliza por ver quen a encabeza, un BNG lanzado a polos concellos tras duplicar os votos no 28A e múltiples mareas coa prioridade de consolidar a alcaldía das tres cidades. Comeza a conta atrás.

Da cita coas urnas do vindeiro 26 de maio sairán os novos gobernos locais. Todo fica aberto nas cidades galegas, cun PP moi á baixa e cun PSdeG que aspira a beneficiarse do tirón de Sánchez. O BNG amósase forte, con presenza en case todos os concellos galegos e após duplicar os seus votos nas xerais. As mareas están confiadas na Coruña, Santiago e Vigo, as únicas cidades onde acoden sen fragmentarse. No resto de urbes, un abano de candidaturas nadas da chamada confluencia competirán polos restos.

O 28A Galiza escolleu un total de 23 deputadas e deputados para o Congreso e 16 ao Senado. Coñece quen son as persoas que terán o deber de representar ás galegas e galegos na vindeira lexislatura.

​

Un total de 2.240.616 galegas e galegos están chamados ás urnas este domingo para escoller as 23 deputadas e deputados e as 16 senadoras e senadores polas catro circunscricións galegas.

A campaña das eleccións xerais máis mediática e tensa dos últimos anos chega á súa fin co denominado sábado de reflexión. En Sermos Galiza conversamos arredor do 28A con aquelas e aqueles que en distintos momentos foron responsábeis de dar voz a Galiza como representantes políticos do noso país.

Conscientes de que o derradeiro escano asignado a cada circunscrición mediante a aplicación do método d'Hont aos votos obtidos por cada candidatura volverá ser determinante nas eleccións xerais deste domingo, as forzas políticas centraron as mensaxes emitidas nos seus actos públicos de feche de campaña nas persoas indecisas.

O autor de O canastro sen tornarratos. Resistencia popular na era do capitalismo sen democracia. Unha ollada galega, David Rodríguez, considera necesario que Galiza e as súas clases populares estean presentes e con voz no Congreso e alerta de que o país pode saír malparado ante o actual proceso de españolización. O autor do blog O funambulista coxo resalta a importancia de facer política alén das campañas, sobre todo a pé de rúa. Sermos Galiza conversa co escritor vigués sobre como ve a Galiza ante o 28A.

Agás en casos como os da Coruña, Santiago ou Vigo, o espazo anteriormente nucleado ao redor das mareas municipais presentarase fragmentado ás eleccións de maio. Haberá un mosaico de mareas que, tras non conseguir acordos, competirán entre elas nas urnas.

O Estado español mantén a Galiza nun atraso histórico en materia de infraestruturas. Temos unha rede de estradas e de camiños de ferro que, en xeral, está obsoleta e con prezos non asumíbeis para a maioría das galegas e galegos, quen ademais pagamos as peaxes máis caras. Vexamos se os programas electorais teñen en conta as necesidades de Galiza en infraestruturas e transportes.

A poucas horas de que o BOE publique oficialmente as candidaturas rexistradas para as eleccións municipais, o PP conta con listas na totalidade dos concellos galegos, seguido de perto polo PSdeG e polo BNG, que conta con 245 candidaturas en toda Galiza. Listas nacidas do antigo espazo de confluencia das mareas competirán entre elas en máis dunha vintena de localidades. Ciudadanos presenta ao redor de 80 e Compromiso, 43.

O ministro de Exteriores, que se disculpou por non saber falar galego, pediu unha “maioría” que permita ao socialismo “gobernar de acordo cos nosos valores”.

Profesor e ensaísta, Antón Baamonde (Vilalba, 1959) considera que estamos perante unhas eleccións “cruciais” das que pode saír un “tripartito de dereita radicalizada”. Iso sería, opina, un “desastre” mais non algo “inusual” no mundo actual.

O sector primario en Galiza supón 5% do PIB e máis de 70.000 empregos directos. É, ademais, un factor determinante na ordenación do noso territorio e da poboación e tamén un dos alicerces da industria agroalimentar. Vexamos que medidas defenden a este respecto as distintas formacións que se presentan na Galiza ás eleccións xerais do 28A.

O partido que lidera Luís Villares presentarase ás eleccións europeas da man de Compromís, Chunta Aragonesista, Equo, Més per Mallorca, Coalición por Melilla, Iniciativa del Pueblo Andaluz, Izquierda Andalucista e Verdes de Europa, nunha coalición en que Lídia Senra, a candidata de En Marea, ocupará o número dous.

Ana Pontón anuncia que o BNG recorrerá nos "xulgados" calquera intento de anotar datos de persoas para negarlles o dereito ao voto.

Nun multitudinario acto no Auditorio de Galiza, con máis de 1.500 asistentes, a formación nacionalista deu por comezada a campaña da dupla convocatoria electoral do 28 de abril e 26 de maio. A portavoz nacional, Ana Pontón, animou "a todas as galegas e galegos que senten o país no corazón e na cabeza" a votar polo Bloque.