emprego

Numerosas persoas están a participar nas distintas marchas polo emprego que convoca a CIG por todo o noso territorio. Despois da da segunda feira en Ferrol, esta terza feira desenvolvéronse do Porriño a Vigo, de Moaña a Cangas, en Pontevedra, Lugo e Valdeorras contra as políticas do PP que, di o sindicato nacionalista, afondan no desemprego e a precariedade. Vídeo no interior.

Discurso nidiamente socialdemócrata de Méndez Romeu no seu debú parlamentario. O portavoz do PSdeG-PSOE acusou o PP de "aplastar" as clases traballadoras e "arruinar" as clases medias. Concluíu ofrecendo a "discusión de aquí ao mércores" de dous pactos: un sobre o emprego e outro sobre a permanencia de NGB "como entidade galega".

A CIG bótase a andar polo emprego e segunda feira día 14 de outubro iniciarase en Ferrol a primeira das vinte marchas comarcais que desembocarán na manifestación nacional prevista para o día 19 en Compostela. 

A CIG vén de presentar '100 medidas para o crecemento económico e a creación de emprego en Galiza'. Unha campaña que, en palabras do seu secretario xeral, Suso Seixo, achega propostas e alternativas orientadas a unha saída da crise favorábel á maioría social.

O informe anual do organismo comunitario analiza 317 territorios, centrándose na evolución do paro os últimos anos. O noso país está nos territorios con maior perda de traballos.

A central nacionalista desenvolverá unha campaña para "pór en primeiro plano" o problema do desemprego. Mobilizacións por todo o país, asembleas nos centros de traballo e unha Inicitativa Lexislativa Popular compoñen as accións que a central sindical levará a cabo nos vindeiros meses. 

Tan só desde verán pasado, o emprego caeu nun 2,7% neste sector mentres que as vendas diminuíron nun 1,7%. Descensos que engadir os que se veñen rexistrando desde 2008 e que provocaron o peche de milleiros de tendas de barrio e de vila no noso país.

O PP abriu curso político no Castelo de Soutomaior. Un acto no cal se defendeu a política dlo goberno popular (“non cambiarei o rumbo” dixo o presidente español), cargouse contra a oposición, e deixouse no faiado escándalos coma o de Bárcenas. De guinda, prometeuse para o ano que vén unha baixada de impostos

Desde finais de 2009  e até principios de 2013, en Galiza destruíronse en agricultura, gandeiría e pesca 22.400 empregos. Do primeiro trimestre de 2012, ao mesmo período do exercicio en curso, nos sectores primarios galegos houbo unha queda de perto do  2%.

Fernández Alvariño afirma que “o importante” é crear emprego, sen eque importen as condicións do mesmo. Sobre a precariedade maniestou:“As formas non son importantes”

Os datos do paro rexistrado do mes de xullo indican un descenso de desempregad@s en Galiza, 12.332 parad@s menos. Unha baixada motivada en gran medida polo traballo estacional propio dos meses de verán. No país hai 261.102 persoas no paro. O 94% dos contratos laborais rexistrados en xullo son temporais 

Un estudo de CIG-Banca denuncia que continúa a reestruturación do sistema financeiro en Galiza, tamén na banca privada (os bancos asociados á AEB), onde se destruíron nestes 5 anos máis de 1.400 empregos, o 20,73% do total

Manifestacións en Compostela, Vigo, Pontevedra e Ribeira, convocadas pola CIG, para rexeitar as políticas que xeran miseria e precariedade. As marchas denunciaron as preocupantes taxas de paro e a ausencia de expectativas para os sectores produtivos das respectivas zonas. Só en Vigo tomaron parte na manife máis de 5.000 persoas

Procurarán agora chegar a acordos específicos con Goberno e patronal sobre as pensións, a reforma das formación, as prestacións sociais ou o emprego xuvenil. A CIG reitérase na súa oposición ao pacto social e exixe a dimisión do executivo e a convocatoria de eleccións.Vídeo no interior.