En Marea

En Marea continuará a ter un único portavoz orgánico, Luís Villares. Na votación de maior alcance do plenario, a emenda de Recuperar En Marea apenas alcanzou 209 apoios, fronte aos 241 votos que respaldaron a opción do relatorio oficial. Decae, por tanto, a portavocía colexiada, paritaria e rotatoria que defendían Anova, Podemos Galicia, Esquerda Unida e a Marea Atlántica do ausente Xulio Ferreiro.

O documento político de Recuperar En Marea -emenda á totalidade ao relatorio oficial- foi rexeitado polo plenario ao obter apenas 215 votos face aos 253 sufraxios da maioría villarista. A tónica continúa a ser a baixa participación no plenario (tiñan dereito a participar por volta de 2.400 persoas), inducida por Esquerda Unida e Podemos Galicia, que chamaron ao boicote.

425 votos emitidos: 243 a prol da rendición de contas -realizada perante o plenario por Gonzalo Rodríguez-, 162 en contra e 20 abstencións. Os críticos utilizaron como argumento para desgastar o grupo dirixente a escasa asistencia ao conclave en comparación coas citas anteriores (Vigo, xullo de 2016; Compostela, decembro de 2016). Por outro lado, Villares e Beiras brindaron a foto do plenario ao chegaren xuntos ao Pazo de Congresos. Brillaron pola súa ausencia nesta sesión matutina os alcaldes de A Coruña e Compostela, Xulio Ferreiro e Martiño Noriega. Si estivo o de Ferrol, Jorge Suárez.

Por un axustado resultado de 237 a 205, foi rexeitada a emenda á totalidade defendida por Recuperar en Marea.

Desde as 9.30 hai xa persoas a se acreditaren no plenario de En Marea, o máis decisivo conclave da confluencia. Están chamadas a participar por volta de 2.400 inscritos e inscritas. No plenario de decembro a participación rondou as 500 persoas. Un elemento que conspira contra a elevación sensíbel desa cifra é o chamado a non ir ao conclave feito por Esquerda Unida e Podemos Galicia. De todos xeitos, nas últimas horas apreciouse unha maior mobilización dos distintos segmentos organizados, quer da corrente villarista -xa moi activada desde hai semanas- quer da crítica.

As teses oficiais de En Marea para o plenario deste 15X poden integrar sen problemas o documento político dos críticos, defendeu esta sexta feira Luís Villares. Trataríase dun documento complementar e asumíbel por facer interesantes achegas en materia de republicanismo cívico. Cuestión distinta é a que se refere ás teses organizativas, onde si habería discrepancias. Sen o citar, Villares desprazou o debate ao asunto central da portavocía. Os críticos queren unha voceiría colexiada e rotatoria, algo que na práctica descabalgaría o ex xuíz do cargo político de maior peso da confluencia.

Non hai tal problema. Só un "erro nas comunicacións" e a "problemática dos horarios" explicarían a "confusión dos últimos días". Non hai tal confusión. Segundo puido saber Sermos, catro dos cinco parlamentares si que se resistiron a render contas e asinaron unha comunicación nese sentido. Só Alexandra Fernández se mostrou disposta desde o principio a acudir ao plenario.

Podemos Galicia argumenta a súa incomparecencia no plenario deste sábado en termos tallantes que mostran a distancia que a separan como organización da confluencia que lidera Luís Villares: "O noso partido non é quen de participar como tal nun plenario doutra formación". O partido morado ve En Marea como un "mero instrumento eleitoral". Como xa fixo EU, deixa, iso si, liberdade ás e aos seus militantes para iren ao conclave "a título individual".

Catro dos cinco parlamentares de En Marea no Congreso dos Deputados resístense a render contas perante o plenario da confluencia axendado para este sábado. Só Alexandra Fernández estaría disposta a facelo. A rendición de contas das e dos deputados fai parte do roteiro do conclave deste 15X. Está na orde do día. A dirección de En Marea pediu esta quinta feira a Yolanda Díaz, Ángela Rodríguez, Antón Gómez Reino e Miguel Anxo Fernán Vello que rectifiquen e fagan rendición de contas. As e os parlamentares rebeldes alegan que xa o fan perante a sociedade.

Manuel Lago defendeu no pleno do Parlamento de Galiza a estratexia de En Marea, centrada en 40 puntos, contra o desemprego. Antes de presentar as liñas fundamentais, Lago sinalou as cifras que sitúan Galiza no peor lugar de todo o estado.

O pasado 23 de xuño, Esquerda Unida enviou unha circular ás súas organizacións comarcais e locais en que esta formación, integrada en En Marea, desalenta a participación da súa militancia no conclave que a confluencia vai realizar este sábado en Compostela. As e os militantes de EU que si participen no plenario faríano a título persoal.

Villares terá que superar un novo match ball na asemblea de En Marea deste sábado. O relatorio presentado polo sector crítico da organización como emenda á totalidade dos textos oficiais, baixo a lenda de “Recuperar en marea”, volta a defender o carácter colexiado, rotatorio e paritario da portavocía da organización, fronte á posición dos villaristas. Beiras respalda o texto e distánciase así do actual portavoz da confluencia.

A medida que se achega o plenario de En Marea do 15 de Xullo vólvese visibilizar e agudizar o conflito que enfronta as dúas pólas do espazo da confluencia. Hai claros movimentos de apoio a Luís Villares por parte do sector oficial, mentres no crítico as voces consultadas por Sermos falan de Martiño Noriega -sen desbotar por inteiro Xulio Ferreiro- como alternativa.

A medida que se achega o 15 de Xullo, data prevista por En Marea para realizar o seu plenario, os diversos actores da confluencia comezan a ensinar as súas cartas. Anova anunciou este sábado que "con outros actores" vai promover unha ponencia alternativa á da oficialidade comandada por Luís Villares.

A actual dirección propuña ampliar o número de membros da coordinadora de 11 a 15 coa intención de intregrar máis “sensibilidades”.

Alexandra Fernández pregunta ao Ministerio de Interior pola “manía persecutoria” do cuartel de Gondomar coa lingua galega.

A Marea Atlántica desenvolveu na mañá do domingo un acto para celebrar os dous anos de goberno. Fíxoo acompañada doutras candidaturas municipalistas, que apelaron a “exercer a dignidade”.

Na Galiza estarían en xogo por volta de 1.200 postos de traballo, afirma o parlamentar de En Marea, quen compareceu en conferencia de imprensa esta segunda feira na compaña da tamén deputada da confluencia e secretaria xeral de Podemos na Galiza, Carmen Santos.