ensino

Un total de 47.592 galegas e galegos matriculáronse o pasado curso en estudos relacionados coas profesións culturais, dos que seis de cada dez eran mulleres. A presenza feminina é especialmente destacada en disciplinas como a danza ou as artes plásticas. Porén, os homes son maioría dentro da comunidade docente.

O presidente da Xunta, Alfonso Rueda, reuniu onte o Goberno galego para facer balance dos seus cinco meses de mandato. Un cómputo que Rueda puntúa positivamente. Porén, neste período tamén houbo evidentes mostras de malestar cidadán con problemas que, lonxe de iren cara a unha solución, empeoran.

A Plataforma SOS IES Punta Candieira continúa coas mobilizacións e xa reuniu máis de 2.000 sinaturas contra o recorte de docentes  no centro por parte da Consellaría de Educación.

A Xunta da Galiza aumentou en 22,4% as partidas destinadas ao réxime de concertos educativos desde 2009, un crecemento o triplo de alto que o que experimentou no mesmo período o orzamento do sistema público, que se incrementou en 7,9%. A Educación Especial é boa mostra da repunta da concertada na Galiza.

A plataforma continúa as súas protestas en Cedeira.

Por parte da Xunta, o conselleiro de Cultura, Educación, Formación Profesional e Universidades, Román Rodríguez, defendeu na sesión plenaria que as acusacións de recortes por parte de sindicatos de ensino e oposición son "total e absolutamente falsas".

Unha multitude acudiu á chamada da CUT-Ensino para mobilizarse baixo o lema 'Nin recortes, nin despedimentos. Por un ensino de calidade'.

A Galiza ten unha das taxas de repetición de curso escolar na ESO máis altas do Estado español e da Unión Europea. Porén, 'Save the Children' considera que son máis os prexuízos que os beneficios. Estas son as razóns.

"Os que primeiro están a sufrir os recortes son os rapaces", advirte José Manuel Lage.

Antonio López (USC) pide "garantir que a cidadanía poida alcanzar a formación e os resultados acordes coas súas capacidades, con independencia de cal sexa a súa condición social, económica ou familiar".

O uso de técnicas cualitativas na investigación sociolingüística -nomeadamente os grupos de discusión e as entrevistas en profundidade- permitiron nos últimos anos descubrir actitudes e representacións negativas sobre o galego que non se detectaban a través das enquisas. Entre os últimos estudos referentes neste sentido sitúase 'Lingua, poder a adolescencia' de Miguel Rodríguez Carnota, que afonda en cuestións xa analizadas por Valentina Formoso e Ana Iglesias e subliña a relevancia da presión social exercida polo grupo de pares para explicar o abandono do galego na etapa educativa secundaria. 

A CIG-Ensino exixe o "cesamento das presións por parte da Administración á comunidade educativa" e insta a "manter e incrementar" as mobilizacións.

Recortes, improvisación, falta de material... O sindicato maioritario no sector do ensino, a CIG, denuncia o contexto no que deu comezo o curso escolar, nomeadamente o número de prazas docentes vacantes, que cifra en 747. Un número “alarmante”.

A Galiza estrea un novo curso escolar con menos matrículas en Infantil e Primaria e cun lixeiro aumento de alumando en ESO, FP e Secundaria. En total perde máis de 6.000 estudantes que a Xunta sinala como pretexto para un "axuste" de unidades e profesorado que os sindicatos revelan 
con outro nome, o dos "recortes".

Profesorado e alumnado manifestan o seu rexeitamento ás políticas de reducción de cadros de persoal que está a levar a cabo o Goberno galego.

O curso académico 2022-2023 dá comezo esta quinta feira con mobilizacións nos centros educativos do país e diante da sede da Consellaría de Educación en Compostela, unhas protestas contra os recortes anunciadas pola CIG e a Plataforma Galega en Defensa do Ensino Público. Nesta terza, os sindicatos CCOO e ANPE denunciaron as "deficiencias e recortes" do sistema educativo galego que "promove" a Consellaría de Educación".