ensino

O texto supón ''unha invasión clara'' das competencias da Consellaría de Educación e traería consigo a destrución de máis de 2.000 postos de traballo

Co ollar posto na xornada de mobilizacións convocada para o 10 de Maio, organizacións estudantís convocan encerros nas bibliotecas públicas galegas para manifestaren o seu rotundo rexeitamento ao incremento nos prezos das matrículas universitarias. Na Xeral o feche será indefinido

O programa educativo arrincou en 1977 e sobreviviu a todas as maiorías da dereita na Galiza. Hoxe penden dun fío os postos de traballo das súas 3 mestres e 29 mestras ''por razóns ideolóxicas'' e polo desvío de fondos a organizacións ''máis próximas ao PP''. PnaC non traballa só coas nenas e nenos, senón tamén cos e coas proxenitoras, que deben implicarse nas aulas, afondando así no empoderamento delas e na equidade de xénero

Galiza Nova presentou nesta quarta feira a súa campaña a prol do paro, que ten xa 18 localidades confirmadas en todo o país e que secundarán tamén outros colectivos como os Comités ou a Liga Estudantil Galega

Os e as universitarias deberán aprobar entre o 90% e o 100% dos créditos para renovaren unha bolsa, segundo contempla o novo réxime de axudas ao estudo que o Ministerio de Educación enviou a Bruxelas. Estas medidas ''multiplican por dous'' o empeoramento das condicións dunha persoa con poucos recursos de acceder a estudos de Grao

O voceiro do BNG no Congreso e candidato á Xunta pola formación frontista considera que existe aínda marxe para a elaboración doutro tipo de políticas que non compromentan os servizos públicos

Preséntase en sociedade a Plataforma Galega en Defensa do Ensino Público, integrada por organizacións representantes das distintas pólas da comunidade educativa galega que manifestan o seu rexeitamento ao Real Decreto-lei 14/2012 e os recortes que contempla

O RD Lei 14/2012, recentemente aprobado polo Goberno español, invade as competenzas galegas. A central nacionalista exíxelle á Consellería de Educación que non aplique esta norma e que a recorra perante o Constitucional. De facelo seu, sería o último ataque da Xunta contra o ensino público galego, despois dos ''ataques permanentes'' á lingua, unha suba de taxas que pode chegar aos 560€/matrícula na Universidade e á nula atención prestada ás políticas de fomento da equidade de xénero

Máis dun cento de persoas, entre profesorado, alumnado, familiares e representantes sindicais, protestaron esta segunda feira fronte ao IES O Milladoiro, en Ames (comarca de Compostela), contra os "problemas de convivencia" que "impiden dar clase" en circunstancias normais no centro. É unha situación que, segundo denuncian, achacan a "unha porcentaxe mínima do alumnado" pero que xera problemas na actividade do centro. Na concentración –convocada por CIG, CCOO, UXT e STEG– unha das profesoras leu un comunicado no que a comunidade educativa reclama "unha solución para conseguir recuperar o normal desenvolvemento da actividade educativa" e "preservar o dereito do persoal docente e non docente a exercer o seu labor profesional en condicións dignas", así como "o dereito" dos alumnos e das alumnas a ter unha ensinanza "inclusiva, libre e en paz".