entrevista

Maxi Vázquez (Santiago, 1974) é o portavoz do Partido Galego, formación galeguista de nova creación, presentada publicamente en decembro de 2020. Vázquez é licenciado en Administración e Dirección de empresas e traballa no sector da consultoría, sobre todo no ámbito da comunicación e mercadotecnia.

Comeza a cuarta edición do congreso As mulleres que opinan son perigosas, que decorrerá de maneira online e que poderá seguirse nas canles do Concello de Pontevedra e da Deputación. Este ano participan, entre outras, as xornalistas Belén López, Montse Fajardo, Lara Graña, Mercedes Mora, Almudena Ariza e a directora de Nós Diario, María Obelleiro. Entrevistamos a Susana Pedreira, unha das promotoras do foro.

 

 

Co gallo da próxima publicación, a partir do 2 de marzo, en 'Nós Diario' dun novo coleccionábel arredor das cabeceiras históricas da prensa en galego, o catedrático de xornalismo Xosé López comenta eses pasos inaugurais, máis prolíficos do que poidamos pensar, e reflexiona sobre a propia investigación deste fenómeno.

A de Nacho Ozores (Lugo, 1995) é unha desas olladas que prometen dar que falar. O seu primeiro traballo, 'O que medra por dentro' (2019) chegou aos Mestre Mateo como finalista. Desta volta presenta 'Mentres iso pasa' (2020), unha historia coa enfermidade mental no foco, realidade que o autor coñece de primeira man. E iso nótase. 

A ollada de Alberte Branco, máis coñecido como Bertitxi, é a responsábel da cinematografía dalgúns dos filmes máis recoñecidos do cinema galego actual. Tres dos seus traballos poderían atoparse este ano entre os finalistas á mellor dirección de fotografía nos Mestre Mateo: 'Ons' (Alfonso Zarauza, 2020), 'Nación' (Margarita Ledo, 2020) e 'Arima' (Jaione Camborda, 2019).  

Carmen María Sánchez é unha enfermeira veterana. Incorporouse en 1980 ao Complexo Hospitalario Universitario da Coruña (CHUAC), e actualmente traballa nos quirófanos e no servizo de Urxencias do Hospital Abente e Lago. Nós Diario conversa con ela sobre a "falta de información e de organización" por parte da Xerencia na xestión da pandemia.

Àngels Chacón (1968) é a candidata á Presidencia da Generalitat polo Partit Demòcrata Europeu Català (PDeCAT) nas eleccións do 14-F. A ex conselleira de Empresa -cesada por Quim Torra após o cisma en Junts- explica o seu "plan realista" para a independencia e critica a xestión da pandemia realizada polo Govern.

Mañá remata o Festival du Court Métrage de Clermont-Ferrand (Francia), no que se proxectou a curtametraxe de Eloy Domínguez Serén (Meaño, 1985) 'Os Corpos', após a súa estrea no IDFA (Amsterdam) ou o seu paso polo Tempo Documentary (Suecia) e polo FICXixón. Unha achega táctil e absorvente ao Entroido, especial agasallo nos tempos das distancias. 

Chicharrón fechou un ciclo, unha sorte de tríptico, con 'Cancións clínicas', após o seu debut homónimo e 'Postais'. Esta primavera chegará 'Unha fogueira intacta', álbum que fai, como os anteriores, da diferenza a súa causa, sempre inmersos en novas procuras que desta volta, adianta Alberto Vecino, caen do lado máis "industrial". Senten que o disco conecta, ademais, co universo do filme 'Ons', no que Alfonso Zarauza incluíu un tema seu. 

Con 25 anos de experiencia como enfermeira, Inés Lobeira atende as preguntas de Nós Diario para facer ver a gravidade da situación que se está a vivir por mor da pandemia. Atende pacientes no Hospital de Montecelo (Pontevedra) na planta Covid onde "os pacientes ingresan de dous en dous e de tres en tres". 

Oito meses despois de pasar pola UCI do Hospital Álvaro Cunqueiro de Vigo, Mercedes ‘Chis’ Oliveira, catedrática de Filosofía xubilada, padece Covid-19 persistente, mais leve. A súa terapia: camiñar a diario. Malia os mareos que sofre cada mañá e a "néboa mental", a próxima semana participa nunha palestra sobre pornografía e mocidade e no verán impartiu un curso dentro dun mestrado, "quero estar intelectualmente activa".

Marilar Aleixandre recollía a terza feira o Premio Blanco Amor pola súa novela 'As malas mulleres'. A autora repasa con 'Nós Diario', xornal co que colabora, as chaves desta obra "contra a desmemoria" que se centra nas presas no cárcere da Galera (A Coruña), mesturando personaxes de ficción con figuras históricas como Concepción Arenal e Juana de Vega.

Logo de 'Contra todo isto' (Xerais, 2018), Manuel Rivas volve comprometer a súa tinta ante as urxencias da que denomina Era Mayday, proclamando a necesidade de converter o planeta enteiro nunha 'Zona a Defender' (Xerais, 2020), termo que lle dá título ao novo libro. Fronte a esa práctica imitada dos animais de "facerse o morto", estendida á sociedade, o autor declárase defensor da posibilidade: porque o "pesimismo rebelde vai da man dunha esperanza indócil", escribe.

"E así toda cordura, escose polas costuras", canta Guadi Galego na faixa que abre 'Costuras', o seu último traballo discográfico. Logo de levar o Premio á Promoción da Realidade Plurilingüe con 'Immersion', a compositora atrévese cun álbum que afonda nos territorios do íntimo, desde esa postura sempre reflexiva e plural que a caracteriza, para falar do amor, a dor e outros moitos retallos que nos conforman.  

Durante moito tempo, a existencia do reino da Galiza pasou desapercibida para a historiografía dominante. Aínda sendo discutíbel o seu significado desde o punto de vista político, á luz da documentación é innegábel que houbo unha entidade chamada Gallaecia que ocupou unha posición de centralidade na Idade Media no aspecto demográfico ou territorial. Anselmo López Carreira é coautor, xunto con Xosé Miguel Andrade, da última das achegas que analizan esta realidade, o libro O Reino Medieval de Galicia. Crónica dunha desmemoria (Xerais). Publicamos unha longa entrevista con el no semanario Sermos Galiza.

Vítor Vaqueiro recebe amanhã a Letra E, de escritor, que outorga a AELG (Asociación de Escritoras e Escritores en Lingua Galega). É esta uma homenagem na sua terra, Santiago de Compostela, na vigésima sexta edição dum ato que converte o autor em membro de honra da entidade.

Nós Diario logra chegar a unha usuaria da residencia que DomusVi xestiona no Barreiro, en Vigo, para coñecer a través do seu testemuño directo como é a vida nun dos centros de maiores que máis sufriron os efectos do coronavirus durante a primeira vaga. Foi entón cando faleceron 47 residentes, segundo as contas dos familiares. Denuncia que a comida é insuficiente, ao igual que a limpeza, e problemas na xestión do centro. Publicamos un extracto da reportaxe.

Lois Patiño vén de gañar a Biznaga de Prata á Mellor Película Española na sección Zonazine do Festival de Málaga con Lúa Vermella (Zeitun Films), a súa segunda longametraxe. Lúa Vermella forma, xunto con Costa da Morte, unha exploración da relación entre os humanos e a paisaxe, pasada pola experiencia da morte, que en Lúa Vermella se achega máis ao mito, á fantasía, que á realidade etnográfica que quería ollar o filme anterior. Lúa Vermella estrearase na Galiza no festival Curtocircuíto antes de chegar en outubro aos cines. Eis un extracto da entrevista co cineasta. Poderás lela enteira no número de Sermos Galiza que acompaña a partir do sábado 5 o diario. Cinema, arquitectura, música, literatura, arte, historia e moito máis no semanario.

O último poemario de Isaac Xubín, 'Xenealoxía dun intruso' (Galaxia, 2020), afonda na concepción da súa identidade galega, desde fóra, cunha consciencia da propia construción. O poeta repasa en conversa con 'Nós Diario' as chaves desta obra persoal, na que tamén xura: "estas lembranzas nosas / nunca serán cadáver".