EUA

Trump ten a oportunidade de designar un terceiro xuíz para un cargo vitalicio no Tribunal Supremo tras o pasamento da xuíza progresista Ruth Bader Ginsburg e inclinar a corte máis á dereita.

Foi unha pioneira na loita polos dereitos das mulleres nun mundo, o xudicial, que estaba copado por homes.

A xestión da pandemia por parte de Donald Trump agudizou a tendencia observada nos últimos anos entre os principais países europeos e outros dos máis desenvolvidos do mundo: a confianza nos EUA é mínima, superando na maioría dos casos os momentos máis controvertidos dos oito anos de mandato de George W. Bush, segundo un recente estudo.

Na xornada de hoxe, os Gobernos dos Emiratos Árabes Unidos e de Israel farán oficial o acordo de normalización de relacións diplomáticas. Un pacto que, malia incluír o adiamento da anexión de partes de Cisxordania, pon en perigo a posición palestina –sinalan desde a OLP– de cara á consecución dun Estado independente.

A documentación publicada hai unha década por WikiLeaks grazas ás filtracións do ex analista militar Bradley Manning, serviron para pór en evidencia os crimes de guerra cometidos polo Exército dos Estados Unidos no Iraq e noutros conflitos. Manning foi condenado a 35 anos e indultado tras cumprir sete. Agora é a quenda de Assange.

As arelas secesionistas de Malaita ─aliado de Washington─ veñen de vello, mais incrementáronse no último ano logo do Goberno central decidir mudar a súa alianza de Taipei a Beijing.

O fundador de WikiLeaks, acusado de espionaxe, podería ser condenado a 175 anos de cárcere se a xustiza estadounidense o declara culpábel.

Está formado por retallos diversos, que van desde os grupos neonazis aos libertarios de dereitas, cunha meta común: o colapso do Goberno e do sistema a través dunha guerra civil. Son os 'boogaloo boys', que gañaron presenza coas protestas contra o racismo. Dous dos seus membros acaban de ser acusados de colaborar con Hamas.

Mentres avanzan na integración na Unión Europea, os dous países comprometéronse con Donald Trump a abriren embaixadas para Israel en Xerusalén. 

O activista de esquerdas acudiu frecuentemente ás protestas deste verán en Portland, onde supostamente tería asasinado o membro da formación ultradereitista Patriot Prayer.

O Goberno provincial de Malaita, a maior e máis poboada das illas de Salomón, organizará un referendo de independencia en datas vindeiras co conflito Beijing-Taipei-Washington como pano de fondo.

O presidente dos EUA cuestionou as propostas da "esquerda radical" do candidato demócrata, durante o discurso que fechou a última Convención Nacional Republicana. 

A vítima, de 29 anos, recibiu oito tiros nas costas e está paralizado de cintura para abaixo. O gobernador Tony Evers ordenou despregar as tropas da Garda Nacional.

O ex asesor de Donald Trump e ideólogo do populismo mundial, cun papel chave na vitoria de Bolsonaro no Brasil e do Brexit no Reino Unido, detido por fraude e branqueo de diñeiro.

Os aranceis que impuxo Donald Trump a produtos europeos como o viño están a prexudicar ao sector na Galiza. A medida temporal imposta en outubro continuará a partir de setembro se non se reverte unha vez coñecida a sentenza da Organización Mundial do Comercio sobre as axudas a Airbus. 

O acordo facilitado por Trump para normalizar relacións entre Israel e os Emiratos Árabes Unidos, o primeiro entre Tel Aviv e un Estado árabe desde 1994, serve ao presidente estadounidense para se apuntar un éxito político internacional de cara ás eleccións de novembro, alén de sumar forzas contra o Irán.