galego

“Durante la duración del contrato nos comunicaremos con usted en castellano”. Así reza o “régimen lingüístico” dunha cláusula dun contrato tipo de Abanca, denunciado pola Mesa e polo que pide explicacións a Xunta. En declaracións a Sermos, a filial de Banesco defende o “seu compromiso coa normalización” pero admite que, por exemplo, non é posíbel abrir unha conta corrente en galego. Analizamos se a aposta no idioma propio neste e outros bancos vai máis alá da publicidade, ou é pura mercadotecnia. Eis un extracto da reportaxe publicada no Sermos Galiza 263.

Os achados realizados polo grupo de Viticultura da Misión Biolóxica de Galiza do Consello Superior de Investigacións Científicas (CSIC) permitiron a catalogación das primeiras variedades autóctonas de oliveira. Un descubrimento histórico que sitúa Galiza no mapa do aceite. Eis un extracto da reportaxe que publicamos no Sermos Galiza 282.

As portas xiratorias son un dos asuntos máis escabrosos da política. A falta de regulación permite que políticas e políticos sentados nun despacho público pasen a dirixir empresas, facendo negocios mesmo en sectores que dependen moito das decisión gobernamentais.

A crise acrentou cada vez máis a división territorial do traballo, non só a nivel mundial ou europeo mais tamén a nivel de Estado español. Unha realidade na que Madrid e, en menor medida, Euskadi e Catalunya acaparan os empregos de maior cualificación mentres Galiza continúa a ser presa dun modelo de baixos salarios. Escribimos sobre isto no Sermos Galiza 280.