Israel

As organizacións sindicais CIG, UGT, CCOO, CNT e CUT asinaron o manifesto de Boicot, Desinvestimentos e Sancións (BDS) contra Israel pola súa postura de asedio ao pobo palestiniano.

A Asemblea xeral das Nacións Unidas aprobou, por 174 votos a favor, seis contra e seis abstencións, unha resolución que apela a Israel para abrir o seu programa nuclear a inspeccións da Axencia internacional de enerxía atómica e a se adherir “o máis rápido posíbel” ao TNP (Tratado de non proliferación nuclear)

O executivo sinonista anunciou a aprobación de novas medidas de presión contra os territorios ocupados após o recoñecemento de Palestina como estado observador polas Nacións Unidas. O ministro de Finanzas israelí asegurou que confiscará os impostos do pobo palestino e que expandirá as colonias.

Palestina converteuse esta quinta feira en estado observador das Nacións Unidas. Após un longo e angosto camiño o pobo palestino tomará parte da organización internacional e poderá interpor demandas perante a Corte Penal Internacional.

A próxima quinta día 29, día da solidariedade internacional con Palestina, a entidade Boicote, Desinvestimentos e Sancións a Israel. BDS Galiza convoca unha concentración ás portas da tenda de Imaginarium na rúa Alfredo Brañas en Compostela como sinal de protesta polo feito da cadea de tendas de xoguetes producir e comercializar con Israel. Dentro da campaña que busca boicotear as relacións económicas co sionismo, xa un establecemento devolveu os produtos de Imaginarium, a Libraría Pedreira de Santiago.

Após oito días de bombardeos israelís sobre a Faixa de Gaza que deixaron máis de 140 persoas falecidas, Hamás e Israel acordan unha tregua que se iniciará esta noite.

Esta madrugada a aviación israelí realizou máis de cen ataques en poucas horas. O número de mortes desde o comezo da ofensiva elévase a 142 persoas. Israel asegura que continuarán os ataques mentres negocian. Clinton admite que chegou para axudar a Israel.

A cifra de ferid@s xa atinxe perto dun milleiro, por mor dos bombardeos contra vivendas e edificios de uso civil. Hamás informa dunha posíbel tregua a partir desta medianoite que Israel non confirma. O Estado hebreo tería desbotado --polo momento-- unha invasión terrestre que só apoiaría o 30% da súa poboación.

Na tarde-noite desta segunda feira tiveron lugar concentracións nunha ducia de cidades e vilas do país. Unha das máis numerosas en Vigo que atinxiu máis de medio millar de manifestantes

Cinco días seguidos de ataques sobre a poboación palestiniana da Faixa de Gaza provocaron máis de 50 asasinatos e milleiros de feridos. Na xornada de hoxe continuaron os ataques nesta ocasión contra medios de comunicación.

Perante os bombardeos israelís destas últimas horas na Faixa de Gaza, o BNG convocou unha concentración en Compostela en denuncia polos acontecementos. A Confederación Intersindical Galega tamén se sumou á convocatoria e estivo presente na Praza do Toural.

A operación 'Piar defensivo' desenvolvese após case catro anos da brutal ofensiva 'Chumbo fundido' en que foron asasinadas 1,3 mil palestinas na Faixa de Gaza, entre decembro de 2008 e xaneiro de 2009. A ofensiva lanzada polo exército israelí desde o pasado sábado, deixa xa 19 mortes, entre elas a do lider militar de Hamás que negociaba un cese ao fogo.

O executivo de Benjamin Netanyahu anunciou que construiría 1.258 vivendas en territorio palestino e advirte a Palestina que, de continuaren coa idea de conseguiren o estatuto de Estado non membro nas Nacións Unidas, farán como se a Autoridade Palestina tivese afundido.

Un informe publicado pola Organización Mudial da Saúde (OMS) alerta dos casos en que o goberno israelí negou asistencia sanitaria á poboación da Faixa, moitas delas crianzas.

O exercito israelí abordou hoxe ás 10:30 horas a embarcación con axuda humanitaria. A tripulación atópase nunha base militar até a súa repatriación.

O Tribunal Internacional de Guerra sobre Palestina, tamén coñecido como Tribunal Russell, vén de publicar unha declaración após a sesión desenvolvida en Nova Iorq os días 6 e 8 de outubro. No texto o xurado popular internacional condena de maneira enérxica o apoio dos EUA a Israel desde o remate da II Guerra Mundial e a complicidade das Nacións Unidas, que permitiron as violacións reiteradas do ordenamento xurídico internacional cometidas polo devandito estado.