leite

Galiza produce o 40% do leite do estado e, porén, no noso país rexístranse os prezos máis baixos en orixe. GRÁFICO NO INTERIOR.

Pura Ferreño leva desde o 2002 traballando en temas de asesoramento na Cooperativa Agraria Provincial da Coruña, que xestiona a Granxa o Cancelo, un proxecto singular que comercializa leite en dispensadores, produce xeado e abre as súas portas para divulgar as vantaxes de apoiar, tamén no consumo, as explotacións gandeiras. 

Vídeo da comisión de Lingua do centro social compostelán A Gentalha do Pichel que amosa como as denominacións tradicionais ligadas ao rural fican aínda vivas. Alén de dignificar a nosa lingua, vai dedicado á luita labregas por un prezo xusto para o noso leite.

Representantes do sector lácteo galego reuniuse esta terza feira cos grupos parlamentares para solicitar que a Lei da cadea agroalimentaria inclúa no seu articulado, e non no seu limiar, a obriga de se pagaren prezos por riba dos custos de produción. A oposición asegura que "agora" a decisión depende do Partido Popular. 

 

Malia as promesas do goberno autonómico, o prezo medio ao produtor polo leite en xaneiro non sobrepasará os 33 céntimos, cotización por baixo dos custos de produción, que se moven entre os 36 e 38

A reunión entre o goberno galego, Interprofesional Láctea (INLAC) e as organizacións sindicais Sindicato Labrego Galego (SLG), Unións Agrarias (UU.AA.)e Xóvenes Agricultores (XX.AA.) rematou coa sinatura dun acordo para poder comezar a traballar de xeito conxunto. A Xunta comprométese a vixilar a industria e distribuidores para que non vendan a prezos por baixo do custe de produción e levará a Madrid medidas para mellorar o funcionamento da cadea alimentaria.

O sector lácteo galego deixará de entregar unhas 6.000 toneladas ao día, nunha mobilización que está a ter un amplo seguimento, segundo @s convocantes. A protesta procura poñer fin ao escenario de baixos prezos que soportan desde hai tempo e que aboca ao peche a non poucas explotacións

Desde a madrugada desta segunda @s gandeir@s comezarán unha folga de entrega do leite para denunciaren o insostíbel da súa situación e exixiren uns prezos xustos para o seu produto. Nas últimas horas, a administración convocou os sindicatos a unha xuntanza para abordar o problema e intentar chegar a un acordo que evite a protesta. Un movemento da Xunta tras meses e meses de desleixo

Os baixos prezos do leite están a situar milleiros de explotacións galegas ao borde do peche. A insostíbel situación fai que sindicatos e organizacións de productor@s convoquen un calendario de mobilizacións que terá o seu cume o 27 deste mes, cunha folga na distribución do leite

O BNG celebrou un encontro en Castro de Rei no que o seu portavoz nacional prometeu acción da Xunta a favor dun prezo xusto do leite “como o BNG fixo antes”.

As organizacións Fruga, Sindicato labrego, Unións agrarias e Xóvenes agricultores, arrincan un compromiso do director xeral de Medio rural: manter unha xuntanza o día 9 deste mes. Mais xa lle advirten de que o contrato ''será unha ferramenta cando contemple un prezo que nos permita vivir do noso traballo, non antes''

As catro centrais agrogandeiras --Fruga, Sindicato labrego, Unións agrarias e Xóvenes agricultores-- convocan unha protesta nacional o 4 de outubro en Compostela contra unhas políticas que deixaron Galiza con 3 mil granxas leiteiras menos. Unha simple conta permite concluír que, de media, cada ano de goberno de Feijóo supuxo o peche de mil explotacións

A provedora desta cadea de distribución, Iparlat, mantivo xuntanzas nestes días con produtor@s da Terra Chá e comprometeu un incremento na cantidade que paga por este alimento. A central agraria reclama que deixe de ser un produto reclamo, pois 66.000 empregos dependen do sector leiteiro

O que reciben @s gandeir@s galeg@s polo leite é o prezo máis baixo do Estado é un dos máis baixos da Unión Europea, malia supor a súa produción o 40% do leite do Estado.

A Federación Rural Galega (Fruga) exixiu esta terza feira á Consellaría do Medio Rural a posta en marcha da Mesa de Interlocución Láctea da Galiza ante a chegada dos novos contratos de compra ás explotacións leiteiras galegas como consecuencia das renovacións do mes de abril, os cales implican "unha baixa que varia entre dous e catro céntimos por litro dependendo da empresa". "Estamos ante unha baixada que en ningún caso é xustificada, e que vai supor dificultades para moitas gandarías galegas, especialmente para as explotacións máis intensivas, tendo en conta que calquera baixada no prezo do leite nestas granxas supón unha importante mingua dos ingresos", explicou a Fruga. "Esta baixada dos prezos non se leva adiante en base ás variacións que se poden dar nos custos de produción, senón que deriva principalmente de cuestións de mercado", sinalou o sindicato. "As variacións nos prezos, neste caso cara abaixo, responden única e exclusivamente aos intereses das propias industrias e a operacións especulativas no mercado mundial cos derivados lácteos", engadiu a organización. Por isto, a Fruga quixo deixar patente "a indefensión que padecemos os gandeiros e as gandeiras galegas" e que as Administracións "miran para outro lado".