mobilidade

Galiza comeza a recuperar a súa actividade, suspendida hai un mes nas sete cidades e en medio cento de concellos máis ante o brusco aumento de casos de Covid-19. Farao seguindo o plan dado a coñecer hoxe pola Xunta, que prevé unha reapertura escalada e parcial da hostalaría en función da situación de cada concello e a recuperación dos contactos sociais entre persoas non conviventes, limitados, polo momento, a un máximo de seis ou catro persoas

A tendencia "positiva, estábel e á baixa" que experimenta nos últimos días a situación epidemiolóxica na Galiza levou esta sexta feira a levantar algunhas restricións en Vedra, O Pino, Mugardos, Viveiro, Toén e San Cibrao, que se suman ao Carballiño pola boa evolución dos seus datos. Por contra, Cee, Dumbría e Muxía, Ribadumia, Meis e Meaño súmanse aos concellos con limitacións reforzadas, diante do aumento de contaxios. As sete cidades, polo de agora, manteñen o fechamento perimetral e o resto de limitacións. 

As entidades censuran que se permita a mobilidade malia as restricións existentes para a maioría da poboación.

Desde a media noite de mañá, 6 de novembro, a actividade da hostalería queda suspendida nas sete cidades e noutros 53 municipios. É unha das medidas acordadas polo Goberno galego para tratar de reverter o empeoramento da situación epidemiolóxica na Galiza, que abeira xa os 10.000 casos activos e supera os 950 falecementos. As restricións inclúen limitación da mobilidade neses 60 concellos e outras actuacións para reducir a actividade á esencial. A oposición reclama axudas para os sectores máis afectados, reforzos sanitarios e máis contundencia ante a evolución da pandemia.

In extremis, a Xunta anunciou as medidas sanitarias acordadas para limitar de forma drástica a celebración do día Día de Santos ante o aumento de contaxios e os riscos polo aumento de desprazamentos e de contactos familiares. Estas restrición, centradas nas contornas urbanas e que eluden o confinamento xeral rexeitado por Feixoo, funcionarán, de forma excepcional, tan só catro días, nunha decisión que aliña o Goberno galego co da Comunidade de Madrid.

A construción de equipamentos sociais e sanitarios e a implantación dos servizos públicos e vías para a mobilidade mellorou a calidade de vida das galegas e galegos, mais tamén supuxo un desequilibrio territorial e demográfico que medrou co paso do tempo e no que o deseño das infraestruturas xogou un importante papel. 

De grave. Así cualificou a situación que vive o Estado español a respecto da pandemia provocada polo novo coronavirus. Nunha declaración institucional na que non anunciou ningunha restrición nova, o presidente do Executivo estatal volveu pedir “unidade”.

O Goberno portugués vén de anunciar dúas grandes actuacións na rede ferroviaria con grande impacto na Galiza: a implantación da alta velocidade entre Lisboa e Porto e a creación dunha nova liña entre Porto e Vigo.

Representantes de varios municipios mantiveron esta cuarta feira unha reunión urxente para falar dos problemas de conexión pola suspensión de servizos de tren entre Ferrol e Ribadeo. Malia que a operadora fala de descenso de usuarias, aseguran que existe unha demanda real.

O Tribunal Superior de Xustiza da Galiza (TSXG) vén de emitir un auto no que apoia as últimas medidas sanitarias acordadas  pola Xunta para frear a propagación do coronavirus na comarca de Ourense, que implican a limitación da mobilidade na cidade e no municipio limítrofe de Barbadás, unha restrición que acaba de ser tombada en Madrid polos tribunais esta mesma semana.

Este reforzo da conexión coa capital do Estado español, confirmada esta cuarta feira polo presidente de Renfe, Isaías Táboas, contrasta coa negativa da empresa para repoñer as frecuencias de media distancia que retirou na Galiza cando tivo lugar o confinamento.

O comité de persoas expertas que orienta á Consellaría de Sanidade recomendou tomar esta decisión após analizar a evolución da pandemia. É a medida máis dura que se toma na Galiza desde o confinamento da comarca da Mariña.

Os cambios organizativos que a situación sanitaria derivada da pandemia impón no transporte colectivo está a ter incidencia no alumnado do rural, en especial para aquel que cursa estudos de Bacharelato ou FP, que non ten garantidos os traslados por parte da Xunta.

Desde Ferrolterra, a asociación reclama á Administración estatal coidar o tren de proximidade.

O estado de alarma chega á súa fin, e con ela, a libre mobilidade por todo o territorio. A partir da vindeira segunda feira as condicións serán iguais para o conxunto do Estado. O intercambio de turistas pode aumentar o risco de contaxio e complicar o rastrexo de novos casos, se non se extrema a prevención.

O conselleiro de Sanidade, Jesús Vázquez Almuiña, manifestou este sábado que trasladou no consello interterritorial a súa "preocupación" pola posibilidade das viaxes entre comunidades autónomas cunha situación epidemiolóxica distinta co fin do estado de alarma e pediu pactar "fórmulas" neste ámbito.

O Goberno astur aposta en manter o estado de alarma até o final fronte a Xunta, que pide que se levante o día 15.

O presidente da Xunta, Alberto Núñez Feixoo, saudou este domingo a publicación do BOE pola que, coa entrada na fase 3 do desconfinamento, as galegas e galegos poderán moverse libremente por todo o territorio nacional, sen restricións provinciais.

A liberdade de movemento esténdese a toda Galiza na fase 3 do desconfinamento, que estará activa desde o vindeiro día 8, e na que a Xunta asumirá a xestión.