nacionalismo

O expresidente do Goberno central, José María Aznar, chamou a derrotar as e os independentistas nas vindeiras eleccións xerais aludindo a que “non se pode convivir permanentemente cun golpe de estado". Así mesmo, o ex mandatario reivindicou o papel de Lincoln aludindo a que nunca aceptou a división dos Estados Unidos de América a pesar dunha guerra civil e de 300.000 mortes.

“Camilo Nogueira é un líder histórico do movemento galego, cunha traxectoria marcada por unha forte defensa dos dereitos políticos do pobo galego e a súa proxección internacional”. Así argumenta a Fundación Coppieters a distinción que vén de outorgar ao veterano nacionalista, que a recibirá o vindeiro 6 de novembro en Bruxelas.

Na quenda de réplica, o presidente Feixoo entrou no corpo a corpo con moi malos modos e certa prepotencia. Foi paternalista con Villares e despectivo co nacionalismo. Para empezar, tirou de currículo e dixo que pola cámara pasaran até 19 representantes da oposición e todos dicíndolle que o seu proxecto estaba agotado. "E aquí sigo", remarcou.

Unha ofrenda floral este domingo no cemiterio de San Cibrao das Las lembrará unha persoa fulcral para  a conformación do movemento nacionalista contemporáneo.

Os concellos de Santiago, Teo e Arzúa renden tributo ao editor e alcalde compostelán Ánxel Casal no 83 aniversario do seu asasinato a mans dos fascistas. Ademais, o BNG tamén organizou un acto de homenaxe na capital galega.

Guieiro, caderno de opinión e debate editado pola Unión da Mocidade Galega (UMG), volveu xuntar 41 anos despois Francisco Rodríguez e Ramón López Suevos para reflexionar sobre Problemática nacional e colonialismo, unha obra chave na conformación do corpo doutrinal do nacionalismo popular.

A mocidade independentista erguendo Galiza é o lema co que a manifestación xuvenil convocada pola rede de asembleas locais que conforman Mocidade pola Independencia percorrerá as rúas de Compostela o 24 de xullo, até rematar na Praza de Cervantes cun acto político e un concerto en acústico do grupo Dakidarría.
 

Con motivo do Día da Patria Galega a organización xuvenil Galiza Nova organiza máis de 40 actividades ao longo do país co obxectivo de reivindicar soberanía, así como dereitos e futuro para a mocidade e fortalecer a conciencia nacional entre as máis novas e novos. Con estes actos queren popularizar o Día da Patria Galega e os actos que Galiza Nova e BNG teñen preparados para o 24 e 25 de xullo na capital galega.

Entre os obxectivos da cita, que terá lugar en Compostela, fortalecer o nacionalismo fronte aos “desafíos que ten por diante” desde o “cuestionamento claro” do modelo do Réxime do 78.

Ánxela Franco faleceu no Hospital Clínico de Santiago a causa dunha enfermidade detectada hai poucos días. Porto do Son e o BNG reciben con conmoción a triste nova do pasamento dunha muller de incansábel compromiso con Galiza e co nacionalismo.

Alexandre Sánchez Vidal, que fora tenente de alcalde de Ourense polo BNG entre 2007 e 2009, morreu este sábado.

Compromiso por Galicia vén de propoñer unha “roga de partidos galegos para o 28A”. Fíxoo nun comunicado de prensa en que anuncia, ademais, que se dirixirá especificamente a BNG “e tamén a En Marea” para “abrir unha canle de exploración”.
 

Un mosaico de grandes dimensións azul e vermello coas palabras Galiza Nación xurdía no mediodía da quinta feira, día 6 de decembro, para reivindicar acabar co centralismo e para lograr ferramentas e soberanía para a mellora da vida das persoas e para facer que Galiza progrese. Así respondía o BNG á conmemoración dos 40 anos da constitución española, que xa entón, lembrou Ana Pontón, “non xerou nin entusiasmo nin tivo un apoio masivo na Galiza”.

Vía Galega, a Plataforma Social en Defensa dos Dereitos Nacionais de Galiza, conmemorou na mañá do domingo en Lugo o centenario da I Asemblea Nacionalista, que por vez primeira reivindicou a soberanía como obxectivo político. Fíxoo cun amplo programa de actos en que destacou a proclamación da Carta de Dereitos do Pobo Galego.

Reivindicar a vixencia e a necesidade do nacionalismo. Con este obxectivo o BNG conmemorou na mañá do sábado en Lugo o centenario da primeira Asemblea Nacionalista.